Liens d'accessibilité

Dernières nouvelles

Demond Tutu akufi na mibu 90


Desmond Tutu, episkopo ya lokumu ya ba Anglican na Afrique du Sud, azali koyanola na mituna ya Associated Press na Pretoria 21 mars 2003

Desmond Tutu, episkopo ya lokumu ya eklezia ya Anglican na Afrique du sud mpe prix Nobel ya kimya, akufi na mibu 90 na mboka na ye. Sango ya liwa na ye ememi biyano wuto bipayi mingi na molongo.

Président Joe Biden ya Etats-Unis na molongani w aye Jill Biden balobi liwa lya Mgr. Tutu lipesi bango motema mpasi mpo azalaki « ndakisa » « ekatisa ndelo ya mboka mpe ekotikala na bikeke bikoya ».

Mokonzi ya Amerika na mwasi wa ye batatoli « bokasi bwa maloba ma sembo, ma bokokani, ma bosolo mpe ma boyokani » Mgr. Tutu amemaki na eloko ya apartheid na Afrique du Sud to Afrika ya Ngele.

Mokonzi ya Afrique du Sud, Cyril Ramaphosa nde atotoli mpo na bolingo ya ekolo ya nkondo Mgr Tutu.

Uhuru Kenyatta ya Kenya nde alobi liwa lye ezali mpasi mpo na Afrika mobimba.

Mgr abundaki na maloba ntango ya bokabwani kolanda loposo (Apartheid) na Afrique du Sud, mpe apamelaki mbeba inso ya bokonzi boleka na mboka na ye.

XS
SM
MD
LG