Liens d'accessibilité

Dernières nouvelles

Ramaphosa andimi ete kaniaka ezalaki mingi na bokonzi ya Zuma


Président Cyril Ramaphosa (D) ya Afrique du Sud apesi mbote na mokonzi akitanaki na ye Jacob Zuma na Cap, Afrique du Sud, 20 février 2018.

Cyril Ramaphosa, mokonzi ya Afrique du Sud, atatoli ete kaniaka ezali mpenza mingi na bokonzi yango. Alobi yango liboso lya Commission ezali kosala bolukiluki likolo na bopengwisi misolo na bokonzi ya Jacob Zuma.

M. Ramaphosa azalaki vice-président ya M. Zuma na bokonzi bowumelaki wuto 2009 kino 2018. Akitanaki na bokonzi nsima na M. Zuma.

M. Ramaphosa alobi aponaki kotikala na ebonga na ye ya vice-président na ntango wana mpo na kotelemela boko na mbeba ya bokonzi ezalaki kosalema.

Rapport moko emonisaki polele ete liboke lya bato baike lizalaki kosala elongo na ba hauts fonctionnaires na ntina ya kozwa bibonga mpe kotiama maboko na instutions ya makasi.

"Kotika mosala elingaki ekitisa mpenza makoki ma ngai ya kosala mpo ete kaniaka ezala makasi te na likolo," elobi M. Ramaphosa.

Ezalaki mbala ya mibale M. Ramaphosa atatola.

M. Ramaphosa azali kokamba lingomba linene ANC (Congrè national africain) ntango etikali sanza 15 yambo na maponami.

M. Zuma azali na boloko mpo na sanza 15 mpo aboyaki koyanola na ba zuzi na bofundami mpo kaniaka mingi.

XS
SM
MD
LG