Liens d'accessibilité

Dernières nouvelles

Conseil d’Etat etelemisi bolongolami ya Kabund na linaka ya maponami ya 1er vp ya Ass. Nat.


Jean-Marc Kabund azali kopesa mbote na basembeli ya UDPS na Cour constitutionnelle, Kinshasa, 19 2019

Conseil d’Etat etelemisi mokano ya kolongola Jean-Marc Kabund, président intérimaire ya UDPS, na ebonda ya 1er vice-président ya Assemblée nationale mpe linaka lya kotia moto mosusu na esika yango

Bazuzi bapesi ekateli na bango nsima na kinzonzi bakotaki na kolanda bosambisami kati na M. Kabund na Jeanine Mabunda, Mokambi mwa Assemblée nationale.

Bazuzi bandimi ete bosenga ya basambeli ya Mme Mabunda kasi elobi ezali na loboko te.

Conseil d’Etat elobi ete makambo manso mateli mpo na kozela mokano mokowuta ya bosambisami ya Cour Consitutionnelle epayi wapi M. Kabund amemami bokweyisami na ye o’mokolo mwa le 25 mai.

Conseil d'Etat esengi kozela ekateli ya Cour ya cassation na bosambisami bwa Jean-Jacques Mamba, mabandisi ya pétition ekweyisaki M. Kabund.

Député Simon Mpiana afundaki député Mamba mpo kotia signature na ye na lokouta mpe moyibi na pétition yango.

Cour ya cassation etelemisaki bosambisami ya M. Mamba kino session ya parlementaire ekosila.

M. Kabund asengaki Conseil d’Etat kotelemisa linaka ya kopona moto mosusu lokola 1er vice-président ya Assemblée nationale.

UDPS, lingambo lya président Félix Tshisekedi, epesaki nkombo ya Patricia Nseya mpo na maponami ya 1er vice-président ya suku ya nse ya parlement kasi ekandaki mpe Conseil d’Etat mpo kokata mokano mwango.

XS
SM
MD
LG