Liens d'accessibilité

Dernières nouvelles

Concert ya alanga nzembo Koffi Olomide na Paris ekosalema lisusu te


Alanga nzembo Koffi Olomide (D) elongo na mosambeli na ye Me Tony Mwaba na bobimi na Cour ya cassation,na Gombe, 26 septembre 2019.

Concert ya artiste musicien Koffi olomide eye esengelaki kobeta na mokolo ya le 27 novembre 2021 na Paris La Défense Arena ekobeta lisusu te.

Na liyebisi ya Arena ebimisaki lobi, bakambi ba ndako eye ya mindule to masano basakoli ete makambo manso mazongi naino malamu te mpo na kobetisa ba concerts ya ba artistes minene lokola Koffi Olomide na eleko eye ya Covid 19.

Liboso, concert eye esengelaki kobetama le 13 février ya mobu moye kasi, epusamaki na novembre kaka mpo na bokono bwa Covid 19 boye bozalaki komata makasi na eleko wana.

Mikolo mileki, concert mosusu ya alanga nzembo Werrason ya ekolo Congo eye esengelaki ebetama na Zenith ya Paris mpe epekisamaki kobetama mpo na kokima mobulu ya ba combattants bakanaki kosala.

XS
SM
MD
LG