Liens d'accessibilité

Dernières nouvelles

Cédric Bakambu akoti Olympique de Marseille


Cédric Bakambu ntango azalaki nanu kobeka na Beijing na match ya Super League kati na Wuhan Zall na Beijing Guoan na Suzhou, Jiangsu, na est ya Chine, 6 septembre 2020. (Photo by STR / AFP) / China OUT

Cédric Bakambu, mobeti ndembo ya Ekolo Congo démocratique andimami mpo na kobeta na Olympique de Marseille ya France, esakoli club ya division 1 ya ekolo France eye.

Cédric Bakmbu oyo awuti kolekisa mibu minei na Chine, atie manzaka ya boyokani na OM (Olympique de Marseille) lelo mpo na millions misato ya ba euros mobu inso.

"Olympique de Marseille esakoli lelo botiami manzaka na msani ya mboka RDC Cédric Bakambu," ekomami na site internet ya OM.

Na mibu 30, Cédric Bakambu azalaki lisusu na club moko te wuto abimi na Chine na suka ya saison.

Atie manzaka na OM lokola "agent libre" mpo na kopeta na équipe eye kino le 30 juin 2024.

Amdimami nsima na botalisi nzoto na minganga.

Cédric Bakambu abetaka na équipe nationale ya ba Léopards.

Abandaka kobeta bo' profesionnel na 2010 na Socheaux yambo akenda na Turquie na 2014 mpe na nsima na Chine.

Sika azongi na europa.

XS
SM
MD
LG