Liens d'accessibilité

Dernières nouvelles

Bozangi botosi bwa makoki ma bamoto bomati makasi na sanza ya mwambe na RDC


Ba soda Congolais liboso lya ndako ya gouverneur ya sika ya soda ya Nord Kivu le 3 mai 2021

Nations unies elobi ete na sanza ya mwambe bozangi kotosa makoki ma bomoto bomati makasi na ekolo Congo Democratique koleka na sanza ya sambo. Bozangi botosi mibeko miye bosalemi mingi na basimba minduki, kasi mingi misusu mpe misalemi na bayi FARDC.

Bureau conjoint ya Nations unies mpo na makoki ma bomoto (BCNUDH) eye epesi nsango yango na masolo na ba panzi sango na ndako ya Monusco, elobi ete, na sanza ya mwambe, bobuki mibeko lya makoki ma bomoto to mpe ba violations des droits de l’homme koleka 739 esalemi.

Nzoka nde na sanza ya sambo eleki, ezalaki 492 mpe emami kufa na bato 293, na kati na bango basi 63 mpe bana 24.

Mingi na kati ya makama maye masalemi na bisika biye bitumba bizali, mingi mingi na Ituri mpe na Nord-Kivu, ata ko bituka biye bizali na état de siège wuto sanza ya mitano mpo na koluka kozongisa kimia na bituka biye, bisika basimba minduki bazali kobunda wuto mibu 25.

Na kotala sanza ya sambo eleki, na sanza eye ya mwambe, ezali mingi bayi mbulamatari nde basali mabe koleka na maye matali kozanga kotosa makoki ma bomoto. Mpamba te 55% ya mbeba esalemi nde na bango, mpe basimba minduki basali 45%.

Kaboul Aziz Thioye, mokambi ya BCNUDH alobi ete ata ko état de siège esali ete makambo masusu mazali koleka malamu na maye matali bokengi na bituka biye, ebele lisusu etikali mpe esengeli esalema mpo ete kimya ezonga.

Mokambi ya BCNUDH asakoli mpe lisusu ete badongolo miso ya lingomba ya ADF bakomi na ndenge ya sika ya kosalela.

Lolenge loye lozali ya kokotisa mayele mabe na bato mpo ete bato ya mboka ya pembeni pembeni bakoma kobunda bango na bango mpo na kozangisa kimya na bayi mboka.

Voir les commentaires

XS
SM
MD
LG