Liens d'accessibilité

Dernières nouvelles

Babundi ya makoki ma bomoto bapameli ba conditions na cachots ya police na Congo-Brazzaville


Police na Kintele, Brazzaville, 18 août 2020.

Babundi ya makoki ma bomoto ya CAD (Centre d’actions pour le développement) bapameli lolenge bakengemi batiamaka na lolenge bato bakoki kozala te.

"Banyama kutu baleki ata bato bazali na ba cachots ya direction départementale ya police ya Brazzaville," elobi CAD.

CAD esakoli ete esalaki enquête na eleko ebandi na janvier kino août 2021.

"Lolenge bakangemi bazali, lozali lokola torture mpe traitements cruels" (monyokoli ya mabe), eyebisi CAD.

"Bakengemi batonda na koleka ndelo mpe bisika yango bitonda na mputu, banyama lokola bitsekwa… Solo ebimaka kuna okoki kopeama yango te," ebakisi mokambi ya CAD, Trésor Nzila.

Bakangemi misusu ya maison d’arrêt (boloko bonene) batindamaka na direction départementale ya police na Brazzaville kolanda mokano mozwamaki mpo kopesa mwa mopepe na boloko bonene.

Bakambi ba direction départementale bapesi nanu te maloba ma bango mpo na bopameli boye.

CAD ezali kosenga ete bakonzi babongisa ndenge ya bakengemi kotiama.

Voir les commentaires

XS
SM
MD
LG