Liens d'accessibilité

Dernières nouvelles

RDC

Bemba akozonga na mboka nsima na mposo misato

Mme Eve BAzaiba azali koyebisa Jean Pierre Bemba makambo na Kinshasa, RDC, 1er août 2018.

Jean-Pierre Bemba, mokambi ya lingomba MLC mpe moko na bakambi ya lisanga Lamuka, akokita na Congo démocratique nsima na mposo misato, elobi Eve Bazaiba, kalaka mokonzi ya lingomba na ye, na meeting ya Martin Fayulu na Kisangani, na etuka yaTshopo.

"Na pesi bino mbote kowuta na Jean-Pierre Bemba. Atondi bino botondi mpo boponaki ebele Martin Fayulu na présidentielle. Ye moko nde aniati mabele ya Kisangani kala te. Akoya nsima ya mposo misato mpe akokende na bituka nionso na Congo," eyebisi Bazaiba.

Boyei ya M. Bemba esakolami ntango moko ya bakambi mosusu ya Lamuka, Moïse Katumbi, asengeli kozonga mboka le 20 mai lokola alakaki.

"Nayoki bato koloba ete Lamuka ekufi, etikali kaka mwa ndambo ya bato. Lokuta ! Lamuka ezali Jean-Pierre Bemba, Moïse Katumbi, Freddy Matungulu, Mbusa Nyamwisi, Adoplhe Muzito, Eve Bazaiba... Ezali bana ya Congo. Nangaa, Kabila na Tshisekedi bazali na soni bisika bazali. Kasi Congo ekokufa te," elobi na ngambo na ye Marin Fayulu.

Mpo na M. Fayulu, bozongi ya baninga baye bokokomisa makasi lingomba na bango Lamuka.

See all News Updates of the Day

Sylvestre Ilunga Ilunkamba alobi akobunda mpo na boyokani kati na coalition FCC-CACH

Sylvestre Ilunga Ilunkamba alobi akobunda mpo na boyokani kati na coalition FCC-CACH
Attendez s'il vous plaît

No media source currently available

0:00 0:00:46 0:00

Sango ya le 20 mai 2019 na VOA Lingala

Sango ya le 20 mai 2019 na VOA Lingala
Attendez s'il vous plaît

No media source currently available

0:00 0:07:12 0:00

Premier ministre Sylvestre Ilunga Ilunkamba, ye nde nani?

Premier ministre ya sika Sylvestre Ilunga Ilunkamba na masolo na président Félix Tshisekedi na Cité ya Union africaine, Kinshasa, 20 mai 2019. (Twitter/Présidence de la RDC)

Sylvestre Ilunga Ilunkamba aponami lokola Premier ministre nsima ya kotatabana ya boyokani ya FCC, lingomba ya mokonzi ya Kala, na #CACH, liye ya Félix Tshisekedi, mokonzi ya sika.

Mwana mboka Ilunga Ilunkamba aponami na mokonzi ya kala Joseph Kabila. Apesi ye losako na lisikulu na ye ya yambo. Kasi andimami mpe atiyami na mosala na président Félix Tshisekedi.

Abotama le 28 mars1947 mpe azali professeur en sciences économiques appliquées ya Université ya Kinshasa.

Azalaki mbala mibale ministre ya Plan mpe ya Finances, mpe mbala minei vice-ministre.
Yambo ya boponami na ye azalaki directeur général ya Société national des chemins de fer.

"Nazali kotala boponami na ngayi lokola mokumba monene na ngonga oyo ya litomba ya lisolo ya ekolo na biso mpe nazwi elaka yakotiya makasi na ngayi nyonso mpo na kotambwisa na lolenge ya bomoko boyokani kati ya gouvernement mpe kopesa maboko na bokomisa malamu lolenge ya bomoi ya bana mboka ya Congo na pole mpe na bokambi malamu," elobi Ilunga Ilunkmba nan tango balakisi ye na bapanzi sango.

Ilunga Ilunkamba azalaki mpe secrétaire exécutif ya Copirep (Comité ya pilotage ya ba réformes ya ba entreprises ya portefeuille ya l’Etat), banda 2003 ti 2004.

Ilunga Ilunkamba aponami Premier ministre

Président Félix Tshisekedi aponi Sylvestre Ilunga Ilunkamba lokola Premier ministre.

Katumbi alobi akobunta mpo "na kimya mpe bolamu ya bana mboka"

Katumbi alobi akobunta mpo "na kimya mpe bolamu ya bana mboka"
Attendez s'il vous plaît

No media source currently available

0:00 0:00:23 0:00

Voir plus

XS
SM
MD
LG