Liens d'accessibilité

Dernières nouvelles

Bayi Rwanda bakimaki na ile Idjwi mpo na mangwele ma COVID-19 bazongisami na mboka na bango


Mo Twa moko amemi eloko kati bato basusu na ile Idjwi, na lac Kivu, na Sud-Kivu, le 5 avril 2019.

Bayi Rwanda pene na nkama bakimaki na esanga to ile Idjwi mpo na koboya mangwele mboka na bango ezali kopesa na lotomo, bazongisama na Rwanda, elobi bakambi ya esanga Idjwi.

Roger Ntabuka, mokambi ya chefferie Ntabuka alobi ete bayi Rwanda banso bakotaki na ndenge ya mayuya bamemami na mboka ya ngambo ya Rwanda.

Bazalaki nkama moko na moko mpe baboyaki kozonga kasi bamemamki na kasi, ebakisi mokambi oyo.

Na ngambo na yango, mbulamatari ya Rwanda elobi na liyebisi ete bato bakimaki mingi mpo na ntina ya bondimi na bango kasi bazongisami na boyokani na Ekolo Congo démocratique.

Bakonzi ba Rwanda balaki kopesa bango mateya malamu mpo etali mangwele.

Mokambi ya société civile na Idjwi, Esther Muratwa, ayebisaki AFP ete ezalaki bayi Rwanda 123.

XS
SM
MD
LG