Liens d'accessibilité

Dernières nouvelles

Bakonzi batie manzaka mpo na botongi bwa raffinerie ya sika ya pétrole na Pointe-Noire


Molakisi elongi ya Yonghon Li, Sen Shao (G) na ba ministres JM Thystère Tchicaya (ya ba Hydrocarbures), Gilbert Mokoki (Zones économique spéciales), Calixte Nganongo (des Finances et du Budget) batie manzaka mpo na kotonga raffinerie ya pétrole na Poite-N

Mbulamatari ya Congo-Brazzaville eyokani na Beijing Fortune Dingheng Investment Co. Ltd mpo ete compagnie eye ya Chine etonga raffinerie ya sika ekobisa pétrole na 2023 na Pointe-Noire.

Milulu myango misala na Brazzaville. Mbulamatari elakisamaki elongi na ba ministres baike mpe Beijing Fortune Dingheng Investment Co. Ltd na Sen Shao, molakisi elongi ya Yonghong Li.

Raffinerie yango ekotongama na ba zones économiques spéciales (bitando bibongisami mpo na nkita) ZES na Pointe-Noire.

"Raffinerie yango ekobanda kosala kino tokoma 2023," elobi M. Sen Shao.

Kolanda maloba maye, raffinerie yango ekozala na makoki ma 2,5 millons ya tonnes ya hydrocarbure mobu na mobu.

Esengeli eyanola na bosenga ya pétrole boye bozali kokoba komata na Congo mpe na etuka ya kati kati ya Afrika.

Ekobimisa ba essences, gazoles ya malamu, ba gaz ya pétrole ya mayi, fiouls légers mpe pétraols ua mwinda.

XS
SM
MD
LG