Liens d'accessibilité

Dernières nouvelles

Ba Gumino na ba Twigwaneho babotoli mboka misato mpe babomi colonel “Yaoundé” na Fizi


Basoda ya mampinga ya RDC pene na hélicoptère ya MONUSCO emati na Bijombo, Sud-Kivu, 10 octobre 2020.

Basimba minduki ya mangomba Gumino mpe Twigwaneho baye basangana, babotoli mboka misato na territoire ya Fizi, na Sud-Kivu, mpe babomi moko na bakambi ya basoda, elobi bayi mampinga ma RDC na bayi société civile.

Mboka Kamombo, Nyamara mpe Chakira ezali sika maboko ya basimba minduki ya Gumino mpe Twigwaneho, baye bakambamaka na mokimi mampinga, colonel Michel Rukundo Makanika, kolanda bayi mampinga mpe société civili.

Colonel André Ekembe alobi na Actualité.cd ete ba Twigwaneho balandi basoda ya mampinga kino na mboka Mikarati epayi wapi bitumba bizali kongala wuto mwa mikolo.

Tokoki kolobela sika te bato boni bakufi to bazoki kasi basimba minduli babomi colonel moko abengami “Yaoundé” ya 2e bataillon na Kamombo, elobi colonel Ekembe.

Molobeli ya mampinga ya misala Solola 2, major Dieudonné Kasereka alobi mampinga mazongi nsima na mayele ya koboya bato mingi bakufa.

Bayi société civile mpe bandimi ete bitumba bizali kosalama mpe colonel moko akufi.

Ba Twigwaneho na Gumino bazali mingi bayi

XS
SM
MD
LG