Liens d'accessibilité

Dernières nouvelles

Vital Kamerhe abengisami lisusu mercredi na parquet


Vital Kamerhe, mokambi ya UNC, azali koyanola bapanzi sango, Kinshasa, 1er septembre 2016.

Vital Kamerhe, mokambi ya ndako ya mosala ya président Félix Tshisekedi, azwi lisusu mokanda ya kobengama mpo na parquet ya Cour d’appel ya Kinshasa Matete/Limete. Kasi asengi kimya na balandi mpe alaki koyanola na bazuzi.

"Président ya UNC amibongisi mpo na kokende komana bazuzi na ntina ya kopesa biyano bisengeli. Kasi yambo, ezali na makambo masengeli kosalama. Bakoki te kobengisa ye na mikanda mizali na mbeba. Babongisa mikanda na bango ya kobengisa ye, mpe nakokitisa bato mitema na koloba ete tokokende koyanola soki bosenga bozali nsima na bango kobongisa mbeba inso," elobi na Actualité,cd moko na balobeli ya UNC (Union nationale congolaise), lingomba ya M. Kamerhe.

Na liyebisi atiye manzaka, M. Kemarhe asengi balandi baye kozala kimya, kotikala nsima na mokonzi ya mboka Félix Tshisekedi.

Mpo na bayi UNC, makambo maye mazali mambi ma baye bazali koluka na lolenge nyonso bokweyisami ya M. Kamerhe.

Mokanda ya parquet elobi ete M. Kamerhe abengisa mpo na koyanola na oyo etali misala ya mikolo nkama ya bokonzi ya Félix Tshisekedi.

XS
SM
MD
LG