Liens d'accessibilité

Dernières nouvelles

UNC esengi ba députés na yango kotelemisa misala na bango na CACH mpe Union sacrée


Vital Kamerhe, mokambi ya UNC (G) na Felix Tshisekedi ya UDPS na boyokani na Nairobi, Kenya, 23 novembre 2018.

UNC esengi na bakeli mibengo mya bango kotelemisa misala mya bango na makita ma CACH mpe Union sacrée, nsima na etumbu ya mibu 13 ya misala ya makasi ekatelamaki Vital Kamerhe.

Kalaka mokonzi ya sika ya lingomba ya M. Kamerhe, Billy Kambale alobi lingomba na ye lizwi nanu mokano te mpo etali kotikala to kozala na Union sacrée mpe CACH (Cap pour le changement), mangomba ma boyakani na président Félix Tshisekedi.

"Esika tozali, tolobi kaka na bakeli mibeko na biso kotika nanu kokende na makati ma CACH na Union Sacrée. Nanu to lobi te soki tolongwe to totikali kasi esengeli tolobelana bosolo mpo lobi ya mokonzi na biso nde bazali kolinga kosakana na yango," elobaki M. Kambale.

Kalaka mokonzi ya UNC alobi mokano mozwami nanue na lingomba na ye mpo na koboya ete lingomba liye lipanzana.

Baike na UNC bazali kati na mbulamatari mpe misala misusu na ya mbulatari mpo na Union sacrée.

Cour d'appel epesaki mardi etumbu ya mibu 13 ya misala mya makasi na Kamerhe na bosambisami ya bozongeli.

Etumbu ya yambo ezalaki ya mibu 20 bakisa na zomi ya bopekisami ya makoki ma politiki.

XS
SM
MD
LG