Liens d'accessibilité

Dernières nouvelles

RAM : Eyano ya ministre Kibassa mercredi na Assemblée nationale kasi FCC etiki motion de défiance


Bobendani kati na bakeli mibeko na Assemblée nationale, na Kinshasa, RDC, 12 avril 2012.

Bureau ya Assemblée nationale etie eyano ya ministre Augustin Kibassa Maliba ya postes, télécommunications et nouvelles technologies de l’information et de la communication (PT-NTIC) mercredi na linaka lya yango nsima na kopusa yango mbala mingi.

M. Kibassa akoyanola mercredi na mituna ya bakeli mibekompo na likambo ya RAM, mpako ezwamaka na ba téléphone mobile.

Mokambi ya Assemblée nationale, Christophe Mboso N'Kodia akomisi likambo lyango na linaka lya plénière ntango mikolo mibale miye mipesamalaki M. Kaibassa milekaki na botelemi ya mbala ya yambo ya ministre le 30 septembre liboso na bakemi mibeko.

Wuto ntango wana, plénière ya kotala likambo lyango eitikala kobengisama te.

Na ngambo na bango bayi FCC, liboke lya mangomba mazali nsima na mokonzi ya kala ya RDC Joseph Kabila, batikaki mardi na Bureau ya Assemblée nationale motion ya défiance to mokonda ya kosenga bolongwi bwa ministre Kibassa mpo na likambo ya RAM.

Bakeli mibeko 101 batie manzaka na motion yango.

Bayi Union Sacrée eye esenagisa mangomba mazali nsima na président Tshisekedi, bango mpe bazalaki na likita mardi. Kasi emonani lokola bayokani malamu te mpo na likambo lyango ata baike bakani kopesa M. Kibassa maboko.

Mingongo mingi mitombwami mpo na kopamela likambo lyango lokola Jean-Claude Katende, koambi ya ASADHO, ONG ya bitumba mpo na makoki ma bomoto.

Voir les commentaires

XS
SM
MD
LG