Liens d'accessibilité

Dernières nouvelles

PM Ilunga atombokeli Tshisekedi mpo Kankonde atiaki manzaka na esika na ye na mikano


Ministre wa Yambo Ilunga Ilunkmba (G) apesi mbote na mokonzi ya mboka Félix Tshisekedi na Kinshasa, 6 mars 2020. (Facebook/Présidence RDC)

Premier ministre Sylvestre Ilunga Ilunkamba asengi bokutani ya lombango na président Tshisekedi mpo na VPM Kankonde atiaki manzaka na esika na ye na mikano.

"O’mokolo mwa mitano 17 juillet, ntango likita lya ba ministres lizalaki kosalama, mikano mingi matiama manzaka na mokonzi ya mboka mpe, mpo na nkombo ya Ministre wa yambo, na ministre ya Intérieur, Bokengi mpe Bokoko, misakolamaki na radiotélévision nationale RDC, nzokande Ministre wa Yambo ayebaki yango te, mpe intérimaire ayebisaki ye te yambo," eyebisi Ministre wa Yambo na liyebisi etangami na molobeli wa ye.

Nkanda ya PM Ilunga mpo Tsisekedi atindaki ya Lubumbashi mpe Kankonde atiaki manzaka na mikanda
Attendez s'il vous plaît

No media source currently available

0:00 0:02:07 0:00

PM Ilunga alobi " 'contreseing' (Manzaka ya moto ya mibale) ezali likambo ya litomba linene na poliki mpe na bosembo mpe ezali na mpifo ebombama kaka mpo moto azali na makoki ya Ministre wa Yambo, mpe ekoki te kosalama nan tango ya intérim".

PM Ilunga ayebisi ete yango esalamaki ntango président Tshisekedi atindaki ye mosala na Lubumbashi wuto le 16 kino le 19 jiillet.

Kasi abakisi ete atikela mibeko na VPM Kankonde mpo na makambo akoki kosala nsima ye, na nkombo ya Ministre wa Yambo: "kosala ete mikanda mitindameli PM mikoma na cabinet na ye yambo ya kotindama bisika misusu mpe, ya mibale, kobenga Ministre wa yambo ntango bosenga bozal"i.

Ekomi mbala ya mibale Ministre wa Yambo asenga mokonzi ya mboka ndimbola na mobeko azwaki.

Mbala ya liboso ezalaki nsima na VPM ya Bosembo, Célestin Tunda azwaki etumbu.

Voir les commentaires

XS
SM
MD
LG