Liens d'accessibilité

Dernières nouvelles
RDC

PM Ilunga apesi FCC na CACH ba critères ya baye bakozala na gouvernement


Premier ministre Sylvestre Ilunga Ilunkamba na bokutani na baye ya CACH (Cap pour le changement) mpe ya FCC (Front commun pour le Congo) na Kinshasa, 7 août 2019. (Cabinet Primature RDC)

Premier ministre Sylvestre Ilunga Ilunkamba apesi na baye ya CACH (Cap pour le changement) ya président Félix Tshisekedi mpe ya FCC (Front commun pour le Congo) ya mokonzi ya kala Joseph Kabila, ba critères mpo na baye kozala na gouvernement.

Akutani na mampinga ya mangomba mabale maye ntango abandi masolo mpo na losala gouvernement mpe apesi ayebisi bango na mokanda lolenge ya baye bakozala na gouvernement.

Na mokanda yango, M. Ilunga aboyi kokotisa na gouvernement "baye bakweyisama na likambo na misala ya bosembo ya RDC" to ya bisika misusu, eyebisi baye ya masanga mabale maye.

M. Ilunga alingi "asangisa bilongi ya kala na baye baye bazali komata na politiki", kolanda mokanda yango.

Premier ministre asengi mpe "boyebi mosala, bosembo, makoki ya kosala mosala na baninga mpe kondima kosala na nse ya bokonzi na ye" (Premier ministre).

Nkombo misato ekopesama mpo na ebonga moko moko. Gouvernement ekozala na bato 65. Le 10 août, M. Ilunga nde asangisi nkombo nyonso.

Kolanda boyokani ya kosala gouvernement, FCC ekozuwa mabongo 42 mpe CACH, 23.

Nzokande na mobembo na ye na Nigeria, président Félix Tshisekedi asengaki bana ya Congo batala te bilongi ya bato bakokota na gouvernement. Alobaki ata bato ya kala bakombongwa mpo bakosala na nse ya bokambami na ye.

M. Ilunga abandi masolo ya kosala gouvernement mabandi sanza sambo nsima ya bokoti na bokonzi ya Félix Tshisekedi mpe mikolo tuku mwambe na botiyami na ye moko lokola mokambi ya engunduka.

Votre avis

Voir les commentaires

XS
SM
MD
LG