Liens d'accessibilité

Dernières nouvelles
RDC

Nzoto 20 ezwami nsima likama na mayi ya Kasaï


Bato bayike pene na mayi ya Kasaï, na Thiskapa, 26 juillet 2017

Nzoto 20 ezwami na mayi ya Kasaï nsima na likama ya baleinière ya lindela ya mposo pene na Tshikapaka na etuka ya Kasaï.

"Nzoto 17 ezwamaki mardi mpe misato vendredi na ba localités ezali ngambo na ngambo ya mayi ya Kasaï," elakisi rapport moko ya direction provinciale ya Force narvale, moko na biteni ya mampinga ya RDC.

Banzeneneke bayike batatoli ete baleinière yango ememaki bato mpe biloko ebele ntango epelaki moto na butu ya lundi na mardi na Tshimbinda, na 3 km ya Tshikapa, engumba mokonzi ya Kasaï.

"Bato mingi baziki mpe basusu bazali komonana te, elobi rapport yango, kasi epesi te motango ya baye bazalaki kati na baleinière yango.

Moto yango epelaki nsima na moko na bayi équipage kopelisaki likaya ntango baninga baye bazalaki kotiya carburant na reservoir ya masuwa," elobi rapport yango.

"Nzoto mwambe ebombani na morgue ya hôpital général ya Tshikapa," eyebisi moko na bayi lopitalo.

Mokambi ya etuka ya Kasaï andimaki te koloba mingi mpo na likama yango kasi ayebisi AFP ete ayebi likambo lyango.

XS
SM
MD
LG