"Basani basatu ba PSG bamonisami na COVID19 nsima na test Sars CoV2 mpe batiami na bolandi malako ma bokolongono malongobani, Basani basusu bakokoba kosala ba tests mikolo mikoya," ekomi na PSG na Twitter.
Kolanda journal Equipe, Neymar, elongo na basani babale ba Argentine, Angel Di Maria mpe Leonardo Paredes, nde bazwami na COVID19.
PSG esakolaki wuto lundi ete basani babale batiamaki na bobatelami mpo bakanisamaki ete bazwaki COVID19.
Bozwami boye bokopesa mwa mpasi na équipe eye ewuti kozala finaslit ya Ligue des champions na Europe.
