Liens d'accessibilité

Dernières nouvelles
RDC

Motango ya bawei mokomi 15 nsima na likama ya By-pass na Kinshasa


Police ezali kobatela esika likama ya motuka monene na nzela ya By-Pass na Mont-NGafula, Kinshasa, 16 février 2020.

Motango ya bato bakufi na likama ya motuka dimanche na By-pass, nzela ekomemaka na Univeristé ya Kinshasa, na Mont-Ngafula, mokomi ya zomi na mitano, eyebisi ministre ya bokolongo, Dr. Eteni Longondo.

Ministre Eteni Longondo alobi ete mabota ya bawei bayebi kondima nzoto libwa kasi motoba misusu mizali kozela koyebana soki ezali banani.

Lobi loleki (dimanche) nzoto ya bawei zomi na minei ezwamaki kasi moto mosusu akufaki lundi.

Bato tuku misato na mwambe nde bazakoki, libwa na mpota enene, elobi ministre Eteni Longondo.

Mokonzi ya mboka apesi mitindo na mbualamatari ya ekolo mpe na gouvernorat ya Kinshasa bazwa mokumba ya bato bazwaki likama, kolonda liyebisi ya présidence na Twitter.

Motuka monene momemaka zelo mpe mabanga mozwaki nkwokoso ya frein to ya botelemi mpe motutaki mituka misusu, tukutuku mpe mpe baleki nzela yambo na kosuka na efelo ya lopango moko o’mokolo mwa ya eyenga.

XS
SM
MD
LG