Liens d'accessibilité

Dernières nouvelles

Lloyd Austin akomi moyindo ya yambo ya kokamba Pentagone


Général ya kala Lloyd Austin, moyindo, andimami bo' Secrétaire d'Etat na Sénat nsima na kotiami na ebonga eye na président Joe Biden, awa na Capitole, Washington, 19 janvier 2021.

Sénat ya Etats-Unis endimi vendredi général ya kala ya moyindo Lloyd Austin  bo’ Secrétaire ya Bobateli Ekolo (ministre ya Défense) to mokambi ya Pentgone.

Na mibu 67, M. Austin asi azwaki retraite na mapinga mpe apesami ebonga ya kokamba Pentagone na mokonzi ya sika ya Etats-Unis, Joe Biden nsima na koponama na ye.

Général Austin azali moto ya mibale atiami na M. Biden oyo andimamaki na Sénat, nsima na mokambi ya misala mya bokengi Avril Haines.

Général Austin azwaka diplôme na académie militaire ya Amerika na West Point na 1975.

Abotamaka na 1953 ma Alabama na sud-est ya mboka mpe akola na état ya Georgie.

Abandaka na mpete ya nse na mampinga. Azalaka mokambi (commandant) ya limpinga ya bitumba ya 82e division aéroportée na Fort Bragg na Caroline ne Nord.

XS
SM
MD
LG