Liens d'accessibilité

Dernières nouvelles

Godefroid Mayobo andimami na ministère ya Intérieur bo' mokambi ya PALU


Bakangi ya Palu bazali kotambola na Kinshasa, RDC, 3 février 2020. (Facebook/PALU)

Vice-Premier ministre mpe ministre ya mambi ya Kati ya mboka, Gilbert Kankonde andimi boponami bwa Godefroid Mayobo bo’ kalaka mokambi ya PALU, elongo na molandi wa ye mpe na molobeli ya lingomba. Kasi nungunungu eali makasi na parti yango.

"Nandimi boponami bwa Godefroid Mayobo bo’ secretaire permanent ai.i. ya Palu," ekomi VPM na eyano apesi na PALU.

"Namoni, nsima na kotala dossier, ete mokano moye motie secrétaire permanent mpe molobeli mpe balandi baye na parti ebangami Parti Lumumbiste Unifé (PALU), (mokano) moye motiamaki manzaka na mkondo Antoine Gizenga ntango azalaki nanu na bomoi, mozali kolanda article 17 ya mobeko motali organisation mpe fonctionnement ya mangomba ya politiki mpe kolanda statuts ya parti," eyebisii VPM Kankonde.

Nungungu ezali kati na PALU mpo etali bokintani ya secrétaire permanent Lugi Gizenga, mwana ya nkondo Antoine Gizenga moko na bakeli ya lingomba mpe mokambi na yango ntango molayi.

Lugi Gizenga akufaki pene na sanza mibale mileki nsima na kokitana na tata na ye.

Dorothée Gizenga, mwana mosusu ya nkondo Antoine Gizenga, asengaki nsima na liwa lya ndeko na ye Lugi Gizenga ete manso matelema kino Congrès monene mokokslama.

Ngambo esusu ya baye bazali kowelela ebonga yango mpe ezali na lingomba PALU.

XS
SM
MD
LG