Liens d'accessibilité

Dernières nouvelles

Antoine Gizenga aweyi


Antoine Gizenga, Premier ministre ya kala ya RDC, na Kinshasa, 14 fevrier 2007.

Antoine Gizenga, nkumu ya lingomba ya Palu (Parti des Lumumbistes unifiés) akufi o’mokolo ya eyenga, eyebisi libota mpe parti na ye.

Moninga ya bitumba ya Patrice Emery Lumumba, mokambi wa gouvernement ya yambo ya RDC, Antoine Gizenga awei na mibu 93 na tongo na lopitalo ya Cinquantainaire na Kinshasa.

Gizenga azalaki Premier ministre na gouvernement ya président Joseph Kabila banda décembre 2006 tii octobre 2008.

"Mokambi na biso asengaki na députés ya FCC (Front commun pour le Congo) batikala kimya minute moko mpo na molimo ya moko ya lingoma na biso na bokutani na ba 340 députés na Kingakati," elobi molebeli ya FCC, Lambert Mende.

Vice-Premier ministre na gouvernement ya Patrice Lumumba oyo bamobomaki na 1961 ba sanza miyike nsima na lipanda, nkondo Gizenga akobaki na koloba ete yende azali mokitani ya molimo ya Lumumba na lingomba na ye Palu liye lisalamaki na 1964.

M. Gizenga akomaki Premier ministre na nsima ba élections pluralistes elendaki maponami. Kasi a démissionnaki nsima ya sanza 21.

XS
SM
MD
LG