Liens d'accessibilité

Dernières nouvelles

Global Witness elobi mwana ya Sassou azuwaki 50 millions $ ya l’Etat


Denis Sassou Nguesso mokonzi ya Congo-Brazzaville na mobembo na Paris, France, le 11 novembre 2018.

Global Witness elobi na rapport moko ete mwana ya Denis Sassou-Ngesso mokonzi ya Congo-Brazzaville, Denis Christel Sassou-Nguesso amonani lokola azwuaki koleka 50 millions de dollars na nzela ya structure ya "entreprise complexe mpe opaque" na mboka ebele.

Mbongo yango ezuwamaki na nzela ya oyo emonisami lokola contrat ya lokuta mpo na ba travaux publics elongo na Asperbas, société ya infrastructure ya Brésil, ekomi Global Witness.

Mpo na kobomba esika mosolo mwango mowutaki, mbongo elekaki na ba juridicitions opaques, lokola Etat ya Amerika ya Delaware mpe ba Iles Vierges britanniques, yambo na kokende na ba sociétés écrans ya Denis Christel Sassou-Nguesso na poto (Europe), kolanda rapport ya Global Witness.

Global Witness elobi ete Denis Cristel Sassou-Nguesso azalaki na kobombama sanza mitano, mokolo ya ba sociétés écrans mitano na Union européenne: misato na Chypre, moko na Estonie mpe moko na Espagne.

Mbongo yango esalelamaki mpo na lifuta ya ba compagnies na Pologne, Portugal na Espagne mpe na Suisse.

Global witness etangi José Veiga, homme d’affaires oyo alandelami na Portugal mpo na oyo ekoki kozala kaniaka mpe kolekisa mosolo na nzela ya molili na Congo. José Veiga azalaki liboso ya makambo yango, ekomi Global Witness.

Mboka motoba ya poto (Europe), ba Iles vierges Britanniques mpe Etat ya Amerika Delaware ezalaki na oyo emonisami lokola nzela ya bolekisi mosolo na molili oyo epesi nzela na kaniaka, ekomi Global Witness.

VOA Lingala emakaki kozuwa na nsinga bakonzi ya Congo-Brazzaville mpe mokambi ya société eye kasi singa elekaki. Ekokoba kobenga.

Tokundolo ete Chsirtel Sassou alandelamaka na France mpo makambo etali biens mal acquis to biloko bizwama na ndenge ya mabe.

XS
SM
MD
LG