Liens d'accessibilité

Dernières nouvelles

Evêque Mukuna atikami


Evêque Pascal Mukuna na eyamba na ye ACK, Kinshasa, RDC, 1er février 2018. (Facebook/Evêque Pascal Mukuna)

Tribunal ya grande instance ya Kinshasa/Gombe etiki Evêque Pascal Mukunal nsima na bosambisami ya bozongeli bwa ye na kofundama na kozwa na makasi mwasi wa nkondo mosungi wa ye Nkatshi, Mamie Tshibola.

Sango yango epesami na mokambi molandi ya lingomba "Eveil patriotique" mpe motambwisi ya ASADHO (Association africaine pour la défense des droits de l’homme), Me Jean-Claude Katende.

"Suka suka évêque Mukana atikami mpe akobima kala te na boloko. Misala mya bosembo mizongisi bosolo," ekomi M. Katende na Twitter.

Me KAtende alobi te mokolo M. Mukuna akobima kasi ekoki kozala mardi 25 août 2020, kolanda basambeli ba ye.

Bilili mpe bililingi bya bosangani bwa bango bipanzanaki na ba réseauz sociaux mpe bimemaki nungu nungu.

Evêque Mukuna afundamaki mpe na kokanga mikanda mya ndako mya nkondo Nkatshi mpe kobangisa Mme Tshibola na munduki.

"Bobimisami bwa episkopo Mukuna bozali elonga ya 'éveil patriotique' te likolo na baye basosolaki te ntina ya bitumba na ye, ezali elonga ya baye banso balingi ete Congo ekende liboso. Esengo ewuti bisika binso na Congo ezali elombo elamu," ebakisi Me Katende.

Evêque Mukuna aboyaki bazuzi bazalaki kosambisa ye na Tribunal ya grande instance ya Kinshasa/Kalamu mpe afundaki mokambi ya tribunal eye kolukela ye makambo.

Makambo mango matindamaki na TGI Kinshasa/Gombe.

Mposo moleki, Mme Mamie Tshibola akangamaki mpe atindamaki na bokolo ya Makala/CPRK mpo na kopanza ba photos/bilili ya bosambisami boye bozalaki ya huis clos.

Voir les commentaires

XS
SM
MD
LG