Liens d'accessibilité

Dernières nouvelles
RDC

Episkopo moko ya RDC abetami na bapaya bazali kosenga kolongwa na Afrique du Sud


Ba réfugiés ya RDC, Rwanda, Burundi mpe Bangladesh na ndako ya HCR (Haut commissaire ya Nations unies mpo na ba réfugiés) na Cap, Afrique du Sud, 8 octobre 2019.

Episkopo moko ya eklezia Anglican awuta ekolo ya Congo démocratique abetami mpe azokisami na bapaya (migrants) baye bazali kosenga kolongwa na Afrika ya Ngele (Afrique du Sud) na kati ya ndaku ya Nzambe na Cap.

"Moko na bakambi ya bapaya apusanaki mpe abetaki ye yambo bitumba bibima kati bango mpe bapaya basusu balanda mpe babundia biso," elobi na AFP Chris Nissen, moko na bayi Commission ya makoki ya bomoto ya Afrika ya ngele eye.

Commission eye ekitaki na bayi ya eklezia kosenga bapaya baye balongwa na ndako ya Nzambe esika wapi batondi mingi wuto babengana bango liboso ya ndako ya HCR.

Kobetama ebandaki ntango archèveque (episkopo ya lokumu) awuta RDC oyo nkombo na ye epesami te, azwaki maloba.

Bapaya bayambaki ye na konganga ya nkanda mpe mwasi moko abotolaki ye elobeli (micro), abengaki etuluku ya bapaya komata mpe abandaki kobete episkopo bambanta mpe makofi.

"Lipinga inso libetamaki", eyebisi pasteur (motambwisi mpate) Alan Storey.

Bapaya baye bakitaki o’mokolo ya minei na HCR mpe bakotaki na makasi na ba bureaux. O’mokolo ya mitano, police ekangelaki bango nzela.

Bapaya bazali kosala sit-in liboso ya HCR na Petroria wuto mposo miike mileki.

Bazali kosenga HCR elukela bango mboka mosusu mpo na Afrika ya Ngele banyokwami na mobulu mpe bitumba ya koyina bapaya.

Bapaya bango bazali ya bikolo kiike: Somalie, Ethiopie, Zimbabwe mpe ya Asie.

XS
SM
MD
LG