Liens d'accessibilité

Dernières nouvelles

Biden azali kolonga na Georgia mpe Pennsylavania, ba états etikali lokola libaku lya suka ya Trump


Biden-Trump

Etat ya Georgia esakoli ete ekonzongela botangi bilembo bya maponami ma mokonzi ya mboka na Etats-Unis nsima na Joe Biden koleka Donald Trump kamwa moke. Georgia ezalaki moko ba états ekokaki kopesa elonga na Trump.

Botangi bozali kokoba na ba états lokola na Pennsylavania epayi wapi mpe M. Trump azalaki o’boso kasi M. Biden azali kopusana na lobango.

Bayi campagne ya Trump bazali kotelemela bilembo biye mpo balobi na liyebisi vendredi ete “maaponami maye nanu masili te “, mpe bakanisi ete président Trump akolonga na suka soki bilembo bizongelami kotangama. Bayi campagne ya Trump basengi na bazuzi mpo bakanisi ete moyibi mpe mbeba esalami na maponami. Biden azali sika liboso na maponami ma bato banso lokola mpe na maye ma Collège ya baponi banene (253-214).

Mpo moto alonga esengeli akoma na baponi banene 270.

MOTANGI MOZALI KOKOBA

ARIZONA (Baponi banene 11) : Biden azali kaka liboso. Etikalaki pene na nkasa 285.000 ya kotanga jeudi na mpokwa. Secrétaire d’état Katie Hobbs alobi ete bilembo bitikali bikolakisa polele esika nini botangi bokomi vendredi na mpokwa.

GEORGIA : (Baponi banene 16}: Biden aleki liboso ya Trump na Georgia na ntongo ya vendredi lokola nkasa etindamaki na poste ezali kobakisama kowuta bisika ba démocrates bazalaka nde mingi lokola na Atlanta mpe Philadelphie. Bondongwami bozali matata, mbele esengi kobandela kotangama kolanda mibeko mya état eye.

NEVADA (Baponi banene 6) : Botangi bokokoba nanu mwa mikolo. Democrate Joe Biden azali liboso na koleka bilembo 11.000 yambo na président Donald Trump. Etikali nkasa 1,2 millions ya kotanga. Bakambi ba maponami bakotanga mpe nkasa etindama na nzela ya poste kino le 10 novembre soki etiamaki caché to ndanga ya poste le 3 novembre.

Caroline du Nord (Baponi banene 15) : Bondongwani bozali matata. Trump alekaki yambo kasi bakambi ba état eye bayebisi ete bazali nanu na nkoto na nkoto ya nkasa ya kotanga. Mpe lisusu, nkasa inso etindamaki na zela ya poste ekotangama kino le 12 novembre soki etiamaki ndanga ya poste o’mokolo mwa maponami.

PENNSYLVANIA (Baponi banene 20) : Na Pennsylvania, Biden asi alekaki Trump na bilembo 5.587 vendredi na ntongo. Kasi botangi bwa nkasa ya bato batindaki yango mpo basengeli bazala te o’mokolo mwa maponami bozali nanu kotangama.

XS
SM
MD
LG