Mokonzi ya Amerika Joe Biden akebisi mokokani wa ye ya Russie Vladimir Putin na komeka basoda ba Russie kokota na Ukraine, elobi liyebisi ya ndako ya mosala ya mokonzi ya Etats-Unis, Maison Blanche (White House).
Ndako ya mosala ya président Putin, Kremlin, elobi ete mokonzi ya Russie nde asengaki M. Biden kolakisa ete Otan (boyokani ya mampinga ma west) makotinda mpe basoda ba yango te na Ukraine.
Kremlin elobi masolo mango mazalaki mpenza na bosolo.
Mokambi ya misala mya bokengi ya mampinga ma Ukraine alobaki mikolo mileki na ba media ete Russie etie basoda mingi na ndelo mpe ekoki kokota na Ukraine na janvier to février.
