Liens d'accessibilité

Dernières nouvelles

Bavandi batelemeli ba compagnies ya ba Chinois na Mwenga ntango Tshisekedi asengi botali ya ba contrats na bango


Baluki makele na mine ya cassitérite ya KAlimbi , na nord ya Bukavu, Sud-Kivu, RDC, 330 mars 2017.

Bavandi ya Kitutu, na Mwenga, na Sud-Kivu, batambolaki lundi mpo na kopamela bobimisi makele na moyibi mpe mbeba misusu na misala ya ba Chinois. Nzokandep résident Félix Tshisekedi asengi bobandeli kotala ba contrats na ba Chinois.

"Na ntongo ya lelo, bavandi ya Kitutu bakangaki nzela mpo na kosenga na compagnie moko ya Chinois eye ezali kokoba kozwa mabanga ma ntalo, kosukisa misala mya yango," elobi na AFP Justin Mubarikiwa, moko na bayi Observatoire d’actions parlementaires et gouvernemantale (moko na ba mouvements citoyens) ya esika eye.

Mokano ya kosenga ba compagnies baye kosukisa kozwa makele (mines) mozwamaki mikolo le 20 août na mokambi ya civili ya etuka ya Sud-Kivu, Théo Kasi.

Kasi ministre ya Mines ya mbulamatari ya ekolo aboyaki yango nsima na yango.

"Ba Chinois babebisi bilanga ya bana mboka mpe nzamba ya na bango. Baye batelemeli, bazali kosenga mpe bafutama misolo mpo na mpasi eye," ebakisi M. Mubarikiwa oyo azalaki kati na batelemeli.

Ba Chinois bafundamaka na mbeba mingi na ba compagnies na bango mpe na kozwa ba minerais na moyibi.

Na nsuka ya mposo moleki, president Félix Tshisekedi asengaki na mbulamatari kobandela kotala ba contrats na ba Chinois.

Commission ya Sénat ya Etats-Unis ya boyokani na bikolo mya bapaya esepeli na mokolo ya président Tshisekedi ya kobandela kotala ba contrats na ba Chinois.

Commission yango elobi ete moyibi ya mbanga matalo na RDC mosengeli mosukisama.

Voir les commentaires

XS
SM
MD
LG