Liens d'accessibilité

Dernières nouvelles

Mbulamatari ekangi libela ba mines mibale ya Katimituga mpo bikomi nkunda ya bato bazipamaki


Batimoli makele na Chanda mpe Kamituga, RDC, le 23 mars 2017. (VOA/Ernest Muhero)

Mbulamatari ya RDC ekangi mpo na libela esika ya koluka makele ma wolo na Kamituga, na Sud-kivu, nsima na bato koleka tuku mitabo kozipama na bokweyisami ya mabele.

"Kino ntango eye nzoto esusu ezwami te longola tuku mibale eye emonanaki mpe etiamaki na lilita. Mokano mozwami mozali ya kokanga mines mibale miye mpo na libela. Yango elingi koloba ete ba mines eye ekotikala lilita lya bato banso bakufaki mpe bamonani te," elobi vice-Premier ministre mpe ministre ya plan, Elisée Munembwe, na suka ya likita lya Comité ya note ya conjecture.

Kolanda batimoli ya makele ya Kamituga, bato koleka 50 bazipamaki na mabele vendredi 11 sepetmbre likolo lya mpela ekasi ekweyaki na esika eye.

Nzoto 20 nde ezwamakai.

Mposo moleki, mbulamatari epekisa mpo na mwa ntango boluki makele na maboka nae sika eye.

Mbulamatari elobi ezali kolandela bayi Ekolo Chine mingi baye bayingeli na Haut-Katanga.

Mpo ministre Munembwe esengeli batosa malako masengeli yambo na kobanda misala.

XS
SM
MD
LG