Liens d'accessibilité

Dernières nouvelles

RDC

Tshisekedi asengi na bakambi ya bituka kolanda na lotomo linaka na ye

Président Félix Tshisekedi kati ya bakambi ya bituka na bofungolami ya likindo moko na Kempinski Hotel Fleuve Congo, Kinshasa, le 13 mai 2019. (Facebook/Présidence RDC)

Président Félix Tshisekedi akundoli na bakambi ya bituka ete bazali na lotomo ya kotiya na mosala linaka na ye. Alobi yango na bofungolami ya likindo ya mikolo mibale mpo na kokolisa boyebi ya bakambi ya bituka, bokutani boye bozali kosalema na Kempinski Hotel Flueve Congo na Gombe, na Kinshasa.

Tshisekedi asengi na bakambi ya bituka kozala na ezaleli ya ndakisa.

Bakambi ya bituka bazali mingi mpenza baye ya ngambo ya lingomba ya mokonzi ya kala Joseph Kabila.

M. Tshisekedi akundoli bango ete bazali kolakisa elongi na ye na bituka na bango.

Wuta azuwa bokonzi, mokonzi ya sika ya Congo démocratique atiyaka mokoloto na bitumba likolo ya kanyaka, ya moyibi ya mosolo ya l’Etat, ya tribalisme mpe likolo ya makambo misusu ya mabe.

Felix Tshisekedi asengi mpe na bakambi ya bituka ete linaka ya boyokani bosalama na bakambi ya bituka. Linaka ya boyokani liye likopesa nzela ete misalsa ya moko na moko kati ya bango miyeba kotalama soki mizalaki kokende liboso.

Mokonzi Tshisekedi alaki ete akolandela mpo ete gouvernement central eyebaka kozongisa mosolo ya bituka mpe kopesa bango makoki masengeli.

Le 1er, Joseph Kabila ayambaki na Kingakati bakambi ya bituka mpe apesaki bango malako. Kasi bokutani boye bolandamaki na matonga ebele ya bato ya ngambo nyonso.

See all News Updates of the Day

Sylvestre Ilunga Ilunkamba alobi akobunda mpo na boyokani kati na coalition FCC-CACH

Sylvestre Ilunga Ilunkamba alobi akobunda mpo na boyokani kati na coalition FCC-CACH
Attendez s'il vous plaît

No media source currently available

0:00 0:00:46 0:00

Sango ya le 20 mai 2019 na VOA Lingala

Sango ya le 20 mai 2019 na VOA Lingala
Attendez s'il vous plaît

No media source currently available

0:00 0:07:12 0:00

Premier ministre Sylvestre Ilunga Ilunkamba, ye nde nani?

Premier ministre ya sika Sylvestre Ilunga Ilunkamba na masolo na président Félix Tshisekedi na Cité ya Union africaine, Kinshasa, 20 mai 2019. (Twitter/Présidence de la RDC)

Sylvestre Ilunga Ilunkamba aponami lokola Premier ministre nsima ya kotatabana ya boyokani ya FCC, lingomba ya mokonzi ya Kala, na #CACH, liye ya Félix Tshisekedi, mokonzi ya sika.

Mwana mboka Ilunga Ilunkamba aponami na mokonzi ya kala Joseph Kabila. Apesi ye losako na lisikulu na ye ya yambo. Kasi andimami mpe atiyami na mosala na président Félix Tshisekedi.

Abotama le 28 mars1947 mpe azali professeur en sciences économiques appliquées ya Université ya Kinshasa.

Azalaki mbala mibale ministre ya Plan mpe ya Finances, mpe mbala minei vice-ministre.
Yambo ya boponami na ye azalaki directeur général ya Société national des chemins de fer.

"Nazali kotala boponami na ngayi lokola mokumba monene na ngonga oyo ya litomba ya lisolo ya ekolo na biso mpe nazwi elaka yakotiya makasi na ngayi nyonso mpo na kotambwisa na lolenge ya bomoko boyokani kati ya gouvernement mpe kopesa maboko na bokomisa malamu lolenge ya bomoi ya bana mboka ya Congo na pole mpe na bokambi malamu," elobi Ilunga Ilunkmba nan tango balakisi ye na bapanzi sango.

Ilunga Ilunkamba azalaki mpe secrétaire exécutif ya Copirep (Comité ya pilotage ya ba réformes ya ba entreprises ya portefeuille ya l’Etat), banda 2003 ti 2004.

Ilunga Ilunkamba aponami Premier ministre

Président Félix Tshisekedi aponi Sylvestre Ilunga Ilunkamba lokola Premier ministre.

Katumbi alobi akobunta mpo "na kimya mpe bolamu ya bana mboka"

Katumbi alobi akobunta mpo "na kimya mpe bolamu ya bana mboka"
Attendez s'il vous plaît

No media source currently available

0:00 0:00:23 0:00

Voir plus

XS
SM
MD
LG