Liens d'accessibilité

Dernières nouvelles

Pompeo alobi lisusu Washington ezo pesa maboko na bongwana na kimya na RDC


Président Félix Tshisekedi ya RDC na Secrétaire d'Etat Mike Pompeo ya Etats-Unis na Washington, 3 mars 2020.

Secrétaire d’Etat (ministre ya mambi ya bikolo bya Bapaya) ya Amerika, Mike Pompeo akundoli ete Etats-Unis ezali kopesa maboko na Ekolo Congo démocratique (RDC).

"Mbulamatari ya Trump ezali kopesa maboko na bopesani ya bokonzi na kimya nyonso mpo na mbla ya yambo na RDC," elalkisi compte Twitter ya Mike Pompeo, secrétaire d’Etat.

Mikolo mileki, ntoma ya Amerika na Kinshasa, Mike Hammer alobaki ete mbulamatari ya Amerika ekokoba boyokani bolamu bosakami na Etats-Unis wuto président Tshisekedi azwaki bokonzi na Janvier 2019.

Mboka mibale bazali na boyokani ya malamu mpo na kimya mpe bofulukisama (PP4PP).

M. Hammer alobaki yango ntango mbulamatari ya sika ezali kozelama nsima na maponami malongami na Joe Biden.

Mposo moleki, président Donald Trump asakolaki bozongi ya RDC na AGOA (mokano mopesaka nzela na bikolo bya Afrika kosala mombongo na Etats-Unis).

Mbulamatari ya Amerika endimi makasi M. Tshisekedi azali kosala na na kobundisa kaniaka mpe makambo masusu, elobaki M. Hammer.

XS
SM
MD
LG