Liens d'accessibilité

Dernières nouvelles

Ministre wa yambo Ilunga akweyisami na motion ya censure ya Assemblée nationale


Sylvestre Ilunga Ilunkamba, ministre ya yambo ya RDC, na Cap, Afrika ya ngele, 3 février 2020.

Bakeli mibeko bakweyisi Ministre wa yambo Sylvestre Ilunga Ilunkamba na maponami basali mpo na kondima motion ya censure to mokonda mosengi bolongwi na ye mercredi.

Ministre wa yambo Sylvestre Ilunga Ilunkamba, ye moko azalaki te.

Bakeli mibeko 367 nde baponi mpo kondima motion ya censure yango. Sambo baoyi.

Mokambia ya Bureau d’age asakoli ete mbulamatari ekweyisami mpe Ministre wa yambo esengeli atika mokanda ya botiki mosala na 24H kolanda yango.

Akomaki na eyano atindela Bureau d’âge ete azali te mpo azali kozela Bureau defetinif mpo na koyanola.

Likita lya kotala motion ya censure yango motindamaki mercredi mpo M. Ilunga azalaki na etinda na Lubumbashi mpo na kosolola yambo na mokonzi ya mboka ya kala Joseph Kabila, mokambi ya lingomba FCC, yo apesaki nkombo na ye mpo azwa ebonga ya kokamba mbulamatari.

M. Ilunga azali kopamela Bureau d’age na Kobuka Buku Likonzi mpe mibeko ya Assemblée nationale.

Bakeli mbeko ya FCC babatikali sembo na mokonzi ya kala Joseph Kabila bazali te.

Esengeli na M. kondima kopesa mokanda na ye ya kotika mosala kolanda bokweyisami na ye.

Soki asali yango ete akotelemela bokonzi ya Assemblée nationale mpe akoki kolandelama, elimboli Mgoyi Kasanji, moko na baye ba FCC baye bakatisi ngambo ya Union sacree, liboke président Félix Tshisekedi azali kokela mpo na kotambwisa mboka.

XS
SM
MD
LG