Liens d'accessibilité

Dernières nouvelles
RDC

Liwa lya ba experts ya ONU: Journaliste Kambidi.atikami na Kasaï


Mopanzi sango Sosthène Kambindi akangamaki mpo na vidéo ya bobomi ya ba experts ya ONU na Kasaï, photo ebimisaki na Facebook na Jed (Jouranluste en danger), le 24 septembre 2021.

Mopanzi sango Sosthene Kambidi atikami nsima na kokangama pene na mposo misato na enquête ya bobomi ya experts ya ONU Micheal Sharp na Zaida Catalan na sanza ya mwambe ya mobu 2017 na mobulu ya ba Kamuina Nsapu, na Kasai.

Parquet militaire ya Kananga chef-lieu ya Kasaï central etie mardi linzaka mpo na batikami bwa ye na mwa ntango moke to mpe liberte provisoire.

M. Kambidi ya Actualité.cd oyo apesaka mpe sango na VOA Lingala akangamaki 20 septembre nsima na likindo VOA elasaki na Kinshasa.

Nsima ya botikami bwa ye, M. Kambidi alobi ete azali na esengo ya kokutana lisusu na libota lya ye mpe azali kolikya ete na mikolo mizali koya, akokutana lisusu na baninga baye ba mosala.

M. Kambidi azongi na ndako na ye kasi apekisami kobima libanda ya Kananga. Soki alingi abima libanda lya Kananga, esengeli apesa ntina ya kobima mpe azwa ndingisa ya ministère public.

Wuto akangamaka, parquet ezalaki koluka koyeba lolenge kani M. Kambidi azwaki ba videos oyo ezalaki kolakisa bobomi ya ba experts ya ONU oyo mibale. Kasi azongisaki ete azwaki yango o'maboko ma avocat na ye oyo ye mpe alobaki ete azwaki yango na moto mosusu.

Avocat ya M. Kambidi, Me Dominique Kambala, oyo asalaki manso mpo na kosenga botikami bwa ye asakoli ete azali kokamwa mingi lolenge bakoki kokanga moto oyo abengaki na koyoka ye lokola témoin to monzeneneke ya mpamba.

Bato basusu baye bakangamaki na ye lokola videaste Israel Ntumba bazali kaka na boloko.

Voir les commentaires

XS
SM
MD
LG