Liens d'accessibilité

Dernières nouvelles

Bato basusu babale bakangami mpo na video ya bobomi ya ba experts ya ONU na Kasaï


Ba experts ya ONU Michael Sharp (G) na Zaida Catalan na photo ezwamaki na Facebook, babomamaki na Kasaï, RDC, 12 mars 2017.

Bato babale basusu bakangami na Kananga, na Kasaï central, na likambo ya vidéo ya bobomi ya ba experts ya ONU elongo na bato bazalaki kotambwisa bango na 2017 na bitumba ya ba Kamuina Nsapu.

Avocat moko amitiki ye moko na maboko ya bazuzi mpe movandi moko ya mboka Bukonde esika ba experts babomamaki, bango nde bato bakangami mardi.

Mikolo mileki, mozwi bililingi to vidéaste Israel Ntumba mpe nsima na yango mopanzi sango Sosthène Kambidi ya Actualité.cd oyo azalaki mpe kopesa sango na VOA Lingala bazwamaki mpe lokola na misala mya bosembo.

Moko na ba magistrats alobi bazuzi bazali koluka koyeba mpenza nini elekaki.

Mangomba ya bobundi ya bonsomi ya bopazni sango bapamelaki bokangami ya mopanzi sango Sosthène Kambidi na Kinshasa ntango awutaki na likindo Lolaka la Amerika to VOA esalisaki.

ONU etindaki ba nganga ya misala mya sembo mpo na kosunga bayi Ekolo Congo démocratique na koluka bosolo na bobomi ya ba experts ya ONU Zaidan Catalan na Michael Sharp.

Voir les commentaires

XS
SM
MD
LG