Liens d'accessibilité

Dernières nouvelles

HRW esengi bokangami bwa Guidon Shimiray elongo na bakonzi ya mampinga basungaka ye


Boko na batomboki ba NDC-R bazongisi manduki ma bango na mapinga ma RDC na Kashuga, Nord-Kivu, 17 aout 2020.

ONG Human Rights Watch esengi na bakonzi ya RDC kokanga Guidon Shimiray Mwissa, mokonzi ya batomboki ba NDC-R, efundama mpo na mbeba mingi na monyele ya mboka. Lokola mpe bakonzi banso ba mampinga ma RDC basungaka ye.

HRW ekundoli na makomi ma yango ete NDC-R (Nduma Defense Congo-Rénové) efundami na kosala elongo na mampinga ma RDC na Nord-Kivu.

Nzokande, basi ebele mpe bana mingi babomama na bayi NDC-R wuto 2014, elobi HRW.

Liboke ya bakengeli mpo na bokengi na Kivu (Baromètre sécuritaire ya Kivu), lilobi ete NDC-R ebomaki ba civili 130 wuto 2018.

Guidon Shimiray na mibu 40, azali na etumbu ya ONU wuto Janvier 2018.

Bakonzi ba RDC babimisa mokanda mwa koluka kokanga ye wuto le 7 juillet 2019.

Kasi HRW elobi emona te ata mbala moko esika baluka kokanga ye.

HRW esengi mpe ete ba officiers ya RDC baye basunga Guidon Shimiray kokima misala mya bosembo bakangema elongo na ye.

XS
SM
MD
LG