Liens d'accessibilité

Dernières nouvelles

François Beya ayanoli na mituna na ANR


François Bey (Likolo mpe na D) a na tala ya moyindo, mopesi toli na mambi ya bokengi ya président Félix Tshisekedi, mokolo ya bolapi ndayi ya bokoti na bokonzi ya Félix Tshisekedi pene na Joseph Kabila mokonzi ya kala, Kinsha24 janvier 2019sa,

Mopesi toli ya lokumu ya président Félix Tshisekedi mpo na maye matali bokengi, François Beya ayanoli na mituna ya misala mya bokengi mya mboka, ANR. Bato baike bandimi sango yango likola mpe ba media na Kinshasa.

"ACAJ endimi bosimbami mpe boyokani ya mwana mboka François Bey na balukiluki ya ANR. Bakambi ya likolo koleka ya misala miye bayebisi biso ete nyonso esalami na botosi mpenza makoki ma bomoto," ekomi mokambi ya ONG ya misala mya sembo ACAJ (Association pour l’accès à la justice), Me Goerges Kapiamba.

Tweet eye ememi mwa biyano.

"Na RDC bamitungisaka te. Sango ya kitoko na Kinshasa ntango président Tshisekedi azali na mobembo na Addis-Abeba mpo na likita lya bakonzi ya Union africaine. Bayi poliitiki bakolanda, na ntembe te, likambo lya Beya na bokengi bonso," ekomi na ngambo na ye, na Twitter, J. Peter Phan, ntoma ya kala ya Etats-Unis na etuka ya grands lacs na Afrique.

Mwa ntambo yango na yango, mopesi toli ya kala ya Joesph Kabila, mokonzi ya kala ya RDC, akomaki kaka Twitter ete ba coups d’état ezali kolandama na Afrique… "RDC mpe ekotikala nsima te," ekebisaki Barnabé Kikaya.

Baike na basungi ya M. Beya batangami na ba media lokola Scooprdc.net balobi ayanoli na kofundama na kolinga kosala coup d’état.

M. Beya awuti nde kobima na bokono mpe asilisaki kotiama mayi nse na butu boleki, ya vendredi, ekomi Scooprdc.net.

XS
SM
MD
LG