Liens d'accessibilité

Dernières nouvelles

Président Ouattara ya Côte d’Ivoire aboyi kowela bokonzi mbala ya misatu


Président Alassane Ouattara ya Côte d’Ivoire na Berlin, Allemagne, 19 novembre 2019.

Président Alassane Ouattara ya Côte d’Ivoire asakoli liboso ya Congrès na Yamoussokro ete akopesa nkombo te mpo na mbala ya misato na maponami ya mokonzi mboka makoya na octobre 2020.

"Nasakoli polele ete nazwi mokano ya kozala te candidat na présidentielle ya le 31 octobre 2020 mpe ya kotikela bokonzi na bilenge," elobi Ouattara na ndako ya boleki mibeko epayi wapi Assemblée nationale mpe Sénat esanganaki.

Lisakoli liye liyambami na esengo mingi, mingi mingi kati na bilenge.

M. Ouattara azali na mibu 78, aponamaki na 2010 mpe lisusu na 2015.

Bato bazali na kobendana na kozela mamponami.

Kati na 2010 na 2011, bato 3.000 bakufaki nsima na maponami,

Kino sika, Guillaume Soro, na mibu 47, Ministre wa yambo ya kala mpe mokambi ya Assemblée natioanle, azali se ye moko moto asakoli kozala candidat, kasi azali na nse ya mandat d’arrêt ya mboka na ye mpo koluka kokweyisa bokonzi. Akimaki mboka.

Président ya kala Henri Konan Bédié akozala na mibu 86 na naponami makoya, alobi nanu eloko te mpo na momekano moye.

XS
SM
MD
LG