Liens d'accessibilité

Dernières nouvelles

OTAN eboyi kotinda mpepo ya bitumba mpe basoda na Ukraine na bobangi eyinda na Europe


Russia Putin NATO

OTAN, boyokani ya Atlantique, eboyi bosenga ya Ukraine ya kokela etuka ya bopekisi mpepo inso Russie ndenge ezali kobeta ba bombes na Ukraine.

Kalaka mokonzi ya OTAN, Jens Stoltenberg alobi na suka ya likita lya ba Ministres ya mambi ya Bapaya ete OTAN ekotinda te mpepo na yango na Ukraine to basoda ba yango na mabele mpamba te ekoki komema bitumba na Europa mobimba.

"Mawa mpo matata na Ukraine makokoka te kosila sika… Tosengeli kokoba kotia mbamba na Russie kino bitumba bisila," ebeti sete secrétaire d’Etat ya Amerika Antony Blinken nsima na likita na bakokani ba ye ba Otan.

"Soki totiki ete mamkoki ma molongo (droit international) makoba kubukana na bozangi etumbu nyonso, nde tofungoli liboke lya ba nyoka na bisika bisika namokili," ekebisi M. Blinken.

Bayi Otan bakisi kokoba kopesa etumbu na Russie mpo alembisa bitumba bya ye na Ukraine.

XS
SM
MD
LG