Liens d'accessibilité

Dernières nouvelles

Nigeria, Ghana mpe ba anglophones misusu baboyi ECO mosolo mozwi esika ya CFA


Bakambi ya CEDEAO (Communauté économique des états de l'Afrique de l'Ouest) na 56e Sommet etali bobandi ya mosolo Eco na Abuja, Nigeria, 21 decembre 2019. (WhatsApp/Presidence ya Côte d’Ivoiree)

Nigeria, Ghana, du Liberia, Sierra Leone, Gambie, banso mboka anglophones, na voisin bango Guinée, oyo ezali francophone, baboyi ECO, mosolo ya mokelamaki le 22 décembre mpo na Afrique ya Ouest.

Ba ministres ya Finances mpe ba gouverneurs ya Banque centrale ya bikolo biye bakutanaki jeudi na Abuja, Nigeria, npe baboyi mbongwana eye bikolo nzinga nzinga na bango biye bizali ba fraconpohones (balobaka français) biwutaki kosakola na lisungi ya France.

Nigeria, Ghana, du Liberia, Sierra Leone, Gambie mpe Guinée, ya Zone monétaire ouest-africaine (WAMZ) "balakisi bokebi na bango na ndenge ba francophones bazwi mikano bango moko ya kobongola se nkombo ya franc CFA na ECO kino 2020," elobi bango na liyebisi ya ba ministres ya Finances mpe ba gouverneurs ya ba banques centrales na bango.

Nigeria, Ghana, du Liberia, Sierra Leone, Gambie mpe Guinée balobi "mokano ya ba francophones mokani te na maye mandimamaki te na Cédéao (Communauté économique des Etats d’Afrique de l’Ouest) na boyokani ya kokomisa ECO mosolo moko ya etuka mobimba". Yango ezalaki likanisi lizali na masolo wuto mibu 30 mileki.

Mboka inso ya WAMZ ezali kobongisa bokutani mpo na koyeba nin kosala na mikolo mikoya.

XS
SM
MD
LG