Liens d'accessibilité

Dernières nouvelles

Monde

Mwana mpe mokitani ya Ben Laden akufi

Hamza Ben Laden, moko na bana ya Ousama Ben Laden.

Hamza Ben Laden, moko na bana ya Ousama Ben Laden oyo azalaki lokola mokitani na ye na kotambwisa Al-Qaïda, akufi na bitumba (opérations). Etats-Unis ezalaki mpe na misala miye mimemi na koboma ye, kolanda sango epesami na New York Times mpe NBC.

Hamza Ben Laden oyo azalaki lokola mokambi ya Al-Qaïda, bamobomi, ekomi lobi New York Times. Journal eye elobi ete ezuwi sango yango na misala ya bokengi ya Etats-Unis, kasi ebakisi likambo mosusu te.

NBC, na ngambo na yango, elobi ete Donald Trump, président ya Etats-Unis aboyi kosala commentaires na likambo yango.

Mpo na bayike, liwa na ya Hamza Ben Laden, soki mpenza endimami, ekobongola te bokambami ya Al-Qaïda.

Emonani lokola Al-Qaïda etiyaki ye kaka mpo misala ya propande (misala ya kopanza sango na lolenge songolo) ntango azali koluka komesana na bokambi ya lingomba liye, ekanisi Barak Mendelsohn, professeur associé na Université Haverford, ya Pennsylvanie, oyo AFP lobeli.

Mpo na ye liwa liye likolongola eloko te na Al-Qaïda, lingomba liye mingi batalaka lokola ya badongola miso to movement terroriste.

See all News Updates of the Day

Washington elobi ebebisi drone ya Iran kasi Téhٞéran ewangani

USS Boxer (LHD-4) na mbu ya Arabia, 16 juillet 2019.

USA esakoli ete ezali na bilembo bilakisi ete ebebisi drone ya Iran eye epusanaki pene na masuwa ya nitumba na yango kasi Téhéran eboyi yango.

Président ya Ameriki, Donald Trump asakoli jeudi ete masuwa ya bitumba ya ekolo na ye, USS Boxer, mobebisaki drone (mpepo motambolaka na bozangi pilote) ya Iran eye epusaki mingi pene na yango.

"Tozali na bilembo, drone na bango epusanaki mingi pene na masuwa na biso. Soki ba drones epusani mingi, tokoboma yango," elobi moto na bakonzi ya Amerika oyo aboyi kopesa nkombo na ye na AFP.

Pentangone to ministère ya Défense ya Ameriki endimaki naino te kino vendredi na nsima na nzanga ete bilili biye bilakisa bobebisi ya drone eye bizali.

Molobeli ya mampinga ya Iran, général ya brigade Abdolfazi Shékarchi ayanoli ete ezali likambo ya bolema mpe lizangi loboko.

Tshisekedi apekisi baboma Congolais moko na pendaison na Malaisie

Tshisekedi apekisi baboma Congolais moko na pendaison na Malaisie
Attendez s'il vous plaît

No media source currently available

0:00 0:01:19 0:00

Tshisekedi na mokambi misala ya boyokani na Japon basololi

Président Félix Tshisekdi akutani na président ya JACI (Agence ya boyokoni ya Japon no molongo), Sinichi Kitaoka na cité ya Union africaine na Kinshasa, 15 juillet 2019. (Facebook/Présidence RDC)

Président Félix Tshisekdi asololi na président ya JACI (Agence ya boyokoni ya Japon no molongo), Sinichi Kitaoka na cité ya Union africaine na Kinshasa, eyebisi baye ya présidence ya RDC.

Bakambi babale baye basololi mpo etali kopesa mateya na bilenge Congo démocratique mpe bo oyo etali ba infrastructures (bisaleli bitonga).

"Ekolo Japon, na nzela ya JACI, elobi emilengeli mpo na kopesa maboko na linaka ya tata mokonzi (ya RDC) mpo etali ba secteurs vitaux biye bizali biteyelo mpe botongi na lolelenge ya gbagba Maréchale na Kongo central," eyebisi misala ya bopanzi sango ya présidence.

Trump aboyi ba bombarder Iran nsima na bokweyisi ya drone ya USA

Mpepo (drone) Global Hawk ya Etats-Unis, photo ya mampinga ya likolo ya Ameriki, 20 juin 2019.

Président Donald Trump alobi apekisi ete mboka na ye ebeta bombes na Iran mpo na koboya ete bato ebele bakufa. Lobi, jeudi, Téhéran ekweyisaki drone moko ya Ameriki.

"Tolengelaki bibundeli mpe tolingamaki toyonala butu eleki na kobetaka ba sites misato kasi na tunaki, bato boni bakokufa," ekomi na compte Twitter na ye Donald Trump.

"Bato 150, yango ezalaki eyano ya général moko. Minutes zomi yambo na kobeta (bombes), elikangi ezala eyano ya makasi koleka soki totali bokweyisi ya drone (na biso basalaki)," ebakisi M. Trump.

Mokano ya président Trump, epekisaki mpepo ya bitumba ya Etats-Unis komata mpo na bitumba yango, kolanda maloba na ye na NBC.

Nzokande, Iran ekweyisaki jeudi drone Global Hawk moko ya Ameriki eye ezalaki kotambola likolo ya etando ya mabele na yango, elobaki bakonzi ya Iran.

Likama liye ematisi matata kati bikolo babale biye. Iran ekebisi ete ekozongisa na bitumba binso bikoya.

Voir plus

XS
SM
MD
LG