Liens d'accessibilité

Dernières nouvelles
RDC

Moto moko akufi nsima na botamboli ya le 30 juin, etatoli HRW


Bato bayike bamemi sanduku ya nzoto ya Defao Paluku Kamala na Goma, Nord-Kivu. (Twitter/Patrick Felix Abely)

Moko na baye batambolaki o’mokolo ya eyenga moleki akufi msima na mpota ya masasi azuwaki ntango police ebenganaki batamboli le 30 juin, elobi Human Rights Watch na bye bayebi mowei.

Bakambi ya bingumba bapekisa botamboli boye bosalamaki le 30 juin, mokolo ya lipanda ya Congo démocratique.

Police ewanganki lundi liwa ya Defao Paluku Kamala na Goma, na Nord-Kivu. Kasi yambo, endimaki o’mokolo ya eyenga ete moko ya batamboli azalaki na lopitalo.

"Kamala akufi le 1er juillet, kolanda certificat ya liwa na ye," elakisi liuebisi ya Human Rights Watch.

Human Rights Watch eyebisi na mokanda na yango ete "police ebetaki Paluku Kamala masasi”. “Lisasi lizuwaki ye na nse ya libumu mpe lisimbaki estomac na ye, kolanda baye ya lopitalo,” ebakisi ONG internationale eye.

Mpo na Human Rights Watch, police nde ememaki nzota na ye na lopitalo.

Paluku Kamala, 25 ans, azali moto ya yambo akufi na botamboli ya kimya na nse ya bokonzi ya Félix Tshisekedi.

Lisanga ya politiki ya Martin Fayulu, Ecidé (Engagement pour la citoyenneté et le développement) ebimisi liyebisi mpo kolendisa liboka ya mowei.

Bilili mpe ba photos ya matanga ya mowei mpe bitamboli na na ba réseaux socaiux.

XS
SM
MD
LG