Liens d'accessibilité

Dernières nouvelles

Bitumba makasi kati na M23 na ba FARDC na Nord-Kivu


Ba soda ya Monusco ya bataillon ya Inde bamemi moto moko ya mpasi ntango ya bitumba ya ya ba M23 na Kwanja, Nord-Kivu, 14 aout 2012.

Bitumba ya makasi bingalaki na Rutshuru (Nord-Kivu) kati na mapinga ya RDC na batomboki ba M23 baye bavandaki kimya wuto 2017.

Bayi société civile mpe batali bokengi ya Baromètre sécuritaire ya Kivu (KST) nde bapesi sango yango.

"Bitumbua byango bisalamaki na terriotoire ya Rutshuru na ndelo na par ya Virunga," elakisi liyebisi ya société civile.

Bibundeli ya minene mpe ba armes légères ebetamaki na bitumba yango, kolanda société civile.

KST eyebisi ete babundi ba M23 bakotaki esika esimbamaki na ba FARDC (mampinga ma RDC) mpe babobami basoda misato, moko nde azakisamaki.

Mikolo misato mileki, Bertrand Bisimwa, mokambi ya M23 asengaki mbulamatari kokokisa na lombango bozongi mboka ya babundi ba lingomba liye lokola yango eyokanamaki na Nairobi na 2013.

Baike na babundi ya M23 bazelaka bozongisami bwa bango wuta Rwanda mpe Ouganda esika bakima. Kasi mingi kati na bango batikala na mabele ya RDC.

M23, lingomba etondisama mingi ba tutsi, ezwaka lisungi ya Rwanda. Ebotolaki Goma na 2012 kasi mampinga ma RDC (na bokambami ya colonel Mamadou Ndala) malongaki yango na 2013 na lisungi ya MONUSCO, misala mya ONU na RDC.

M. Bisimwa akebisaki ete kolekisa ntango ekoki komema bato basalaka mayuya na likambo yango wuta bokonzi ya président ya kala Joseph Kabila bakoka kosala misala mabe.

XS
SM
MD
LG