Liens d'accessibilité

Dernières nouvelles

Volodymyr Zelensky mokonzi ya Ukraine asali lisikulu ya kafu kafu liboso ya Congres ya America.


US-UKRAINE-DIPLOMACY-ZELENSKY

President Volodmir Zelensky ya ekolo Ukraine akomaki lobi na Washington DC engumba mokonzi ya ekolo America epayi wapi ayambamaki lobi na maison Blanche ndako ya bokonzi ya mokambi ya ekolo Joe Biden.

Ekolo America esakoli kopesa lisungi lya ba Milliards pene na mibale na ekolo Ukraine, mandoki mpe bibundeli bya ndenge na ngenge, na kati na yango mpo na mbala ya liboso, système ya kobatelama mpo na ba missiles mpe mandoki ma likolo na kombo ya Patriot.

Nsima ye kokutana na Joe Biden, M. Zelensky ayambamaki na lokumu makasi kaka lobi na ndako ya bakeli mibeko to Congres, epayi wapi na lisikulu ya kafu kafu asalaki liboso lya bakeli mibeko, asengi ete ekolo America ekoba kopesa lisungi na ekolo na ye. Bakeli mibeko ba America bazali na masolo ma kobakisa lisusu lisungi na bango na ekolo Ukraine ya ba millions koleka tuku mineyi na mitano. Lisungi liye soki lipesami, likosala ete motango ya lisungi liye ekolo America esi epesi na ekolo Ukraine wuto bitumba biye bibanda, likoma pene na ba milliards, nkama moko.

Na ngambo na yango, ekolo Russie na monoko mwa Dmitri Peskovna molobeli ya ndako ya mosala ya president Vladmir Putin esakoli ete, na komonaka maye malekaki lobi, ezali komona na polele lokola bikolo bya

molongo, mpe mingi mingi ekolo America bizali na ntina ya koyoka ekolo Russie te na maye matali bitumba biye.

XS
SM
MD
LG