Liens d'accessibilité

Dernières nouvelles

RDC

Sylverte Ilunga, Premier ministre

Premier ministre ya sika Sylvestre Ilunga Ilunkamba na bokutani na président Félix Tshisekedi na Cité ya Union africaine, na Kinshasa, 20 mai 2019. (Twitter/Présidence de la RDC)

Président Felix Tshisekedi aponi M. Sylvestre Ilunga lokola Premier ministre.

Ilunga Ilunkmba alobi akosala nionso mpo coalition ya gouvernement ekende malamu mpe mpo bolamu ya bana mboka.

"Nazali kotala boponami na ngayi lokola mokumba monene na ngonga oyo ya litomba ya lisolo ya ekolo na biso mpe nazwi elaka yakotiya makasi na ngayi nyonso mpo na kotambwisa na lolenge ya bomoko boyokani kati ya gouvernement mpe kopesa maboko na bokomisa malamu lolenge ya bomoi ya bana mboka ya Congo na pole mpe na bokambi malamu," eyanoli mwana mboka Ilunga na motuna ya mopanzi sango moko.

Sylvestre Ilunga azali professeur ya sciences économiques appliquées ya Université ya Kinshasa.

Azalaki mbala, mibale ministre ya Plan mpe ya Finances, mbala minei vice-ministre.

Yambo ya boponami na ye azalaki directeur général ya Société national des chemins de fer.

Katumbi akiti na aéroport ya Lwano

Katumbi akiti na aéroport ya Lwano
Attendez s'il vous plaît

No media source currently available

0:00 0:00:39 0:00

Bruno Tshibala atiki mokanda ya botiki mosala

Premier ministre Bruno Tshibala na bokutani ya ba institutions na Cité de l'Union africaine, Kinshasa, le 18 mars 2019. (Présidence RDC)

Premier ministre Burno Tshibala atiki epayi ya président Félix Thisesekedi mokanda ya bosili mosala na ye.

Na bimi "moto likolo… Nazali na sengo mingi mpo ete nakokisi misala mipesamelaki ngayi. Objectif na biso ezalaka tosala ete ekolo na biso ekoma mboka oyo etombwami na mibu mibale. Nakokaki kosala yango te. Yangon de nazali koyoka mpasi na motema," elobi Bruno Tsibala na bapanzi sango.

"Nawuti kokutana na mokonzi ya mboka na kolanda ndenge makambo mazali kokende malamu na botiyami ya ba institutions mabimi na misala ya maponami. Etini ya kotiya ba institutions ya sika mpe bakambi bya yango elakisi suka ya malamu ya cycle electoral eye ezali na litomba koleka na gouvernement eye na kambaki. Yango wana na kanisi ete ntango ekoki mpo na kopesa na président mpe mokambi ye ekolo démission na ngayi mpe ya gouvernement na ngayi mobimba na ntina ya kopesa nzela ya kosilisa makombo maye na botiyami ya gouvernement ya sika," abakisi Bruno Tshibala na bapanzi sango.

O'mokolo ya mposo, président Félix Tshisekedi aloboki na masolo na ba ambassadeurs mpe ba diplomates ya Union européenne ete Premier ministre amonani.

M. Tshisedeki ayebisaki ba ntoma ya UE ete "molinga ya pembe emamonani" mpo etali masolo ya kopona, ekomi Kasongo Mwema Yamba Y’amba, molobeli ya mokambi ya ekolo, na compte Twitter na ye.

Bokangemi mpo na mwa ntango ya Lambert Mende

Bokangemi mpo na mwa ntango ya Lambert Mende
Attendez s'il vous plaît

No media source currently available

0:00 0:00:18 0:00

Mende atikami nsima ya bokangemi mwa ntango

Lambert Mende na studio ya VOA, Washington, le 31 janvier 2018

Molobeli ya gouvernement ya kala mpe député ya Sankuru Lambert Mende atikami nsima na bokangemi mwa ntango moke na ba pulusu mpe baye ya mampinga.

Lambert Mende andimi ete akangamaki mpe atikami. Alobi ete baye ya police mpe mampinga baye bakangaki ye, batingaki ye mpe banyokolaki ye mwa moke yambo ya botiki ye.

Alobi ete ezalaki mpo na diamant monene ya 87 carats eye ba timoli ya circonscription na ye ya Sankuru babemi na Kinshasa kasi bavandi na ndako na ye.

"Nayambaki bango na ndako na ngai. Yango nde mbeba eye Basile Olongo (ministre ya Intérieur) azali kopamela ngai. Alingaki ete bamemela ye diamant eye mpo ye azali vice-Premier ministre mpe ministre ya Intérieur. Yango nde ntina ya nsoni oyo bayokisi ngai," elimboli Mende.

Sango ya bokangami ya M. Mende epasamaki yambo na Kalev Mutond mokambi ya kala ya ANR (Agence nationale ya renseignements). M. Mutond ayebisaki na bapanzi sango ete ezalaki na mitindo ya ministre intérimaire ya mambi ya Kati na mboka, Basile Olongo, nde bokangami boye bosalamakai.

Ministre ya mambi ya makoki ya bomoto azalaki koyanola te na telephone kasi moko ya nzinganzinga wa ye asengaki na bapanzi sango batuna na police.

Voir plus

XS
SM
MD
LG