Liens d'accessibilité

Dernières nouvelles

Afrique

Tshisekedi na masolo ya "intégration éconmique" na Malabo (Guinée équatoriale)

Président Félix Tshsiekedi ya RDC (3e de gauche) na mokokani wa ye ya Guinée équatoriale Teodoro Obiang Nguema (1er) na masolo ya Malabo, Guinée équatoriale, le 12 juin 2019.

Président Félix Tshisekedi azalaki lelo na masolo ya likolo na bakonzi ya bikolo bisusu, na Malabo, na Guinée équatoriale, mpo na ntombwa mpe kosangasi makanisi mpo na nkita ya continent Afrika.

Masolo yango mazali mpo na 54e Assemblée annuelle ya Conseil ba gouverneurs ya BAD (Banque africaine de développement).

Félix Tshisekedi azalaki na mokokani wa ye ya Guinée équatoriale, Teodoro Obiang Nguema, mpe bakambi basusu.

Président Tshisekedi akomaki na mpokwa ya lobi loleki na engumba mokozi ya Guinée équatoriale.

Kasi yambo na yango alekaki na Libreville na Gabon epayi wapi akutanaki na mokokani waye Ali Bongo ONdimba.

See all News Updates of the Day

Ba Léopards ya RDC na ba Harambee Stars ya Kenya bakeyi 1-1 na préparation

Ba Léopards ya RDC na Ba Harambee Stars ya Kenya na match ya préparation na Espagne, 15 juin 2019.

Ba Léopards ya RDC na ba Harambee Stars basali match nul 1-1 na préparation, na Espagne, mpo na CAN 2019 eye ekobetama na Egypte mokolo ya minei mokoya.

Ba Harambee Stars bazalaki bato ba yango ya kotiya mongete na ba minutes bya yambo ya lisano.

Mi-temps elekaki na 1-0.

Ba Léopards (Nkoyi) balamukaki na 2e mi-temps. Mingi mpenza tangu coach Florent Ibenge akotisaki Elia Meschack na esika ya Trésor Mputu, Jonathan Bolingi na eskia ya Yannick Bolasie, Britt Assombalonga na eseki ya Cédric Bakambu, Jacques Maghoma na esika ya Paul-José Mpoku mpe na suka Youssouf Mulumbu esika ya Merveille Bope.

Arthur Masuaku nde azongisaki ba équipes babale na bokokani, na but moko na 89’.

Nsima na kobanda na bolembu, ba Léopards balakisi ete bakoki kosala ya kokamwa na mposo moko.

Tshisekedi na Nkurunziza basololi na Bujumbura mpo na bokengi

Présidence Félix Tshisekedi ya RDC na mokokani wa ye ya Burundi Pierre Nkurunziza na bokutani na Bujumbura, le 14 juin 2019. (Facebook RDC)

Président Félix Tshisekedi na mokokani wa ye Burundi, Pierre Nkurunziza basololi na Rohero, na Bujumbura mpo etali bokengi kati mboka mibale.

Mobembo ya mwana mboka Tshisekedi na Bujumbura ezalaki kaka ya ngonga mibale, nsima na bowuti na ye na Tanzanie esika wapi azalaki mikolo mibale mpo na masolo na Jphn Magufuli, mokonzi ya mboka Tanzanie.

M. Tshisekedi na M. Nkurunziza basololi mpo etali bokolisi bondeko mpe boyokani kati na bikolo mibale, eyebisi présidence ya Congo démocratique.

Mpo etali bokengi, Kinshasa na Bujumbura balobi ete bakosala makasi mpo na kosilisa likambo ya ba "forces négatives" (basimba minduki) baye bamonani mingi na ndelo ya Ruzizi kati mboka eye mibale, elimboli baye ya présidence ya RDC.

Bakonzi babale balobaki mpe oyo etali bolamu ya bikolo mibale, ya région mpe ya molongo.

Tshisekedi alingi RDC na Tanzanie basalela lac Tanganyika elongo

Président Félix Tshisekedi (gauche) na bokutani ya mobu na mobu ya bakambi ya Banque africiane ya développement (BAD) na Malabo, Guinée équatoriale, 12 juin 2019. (Twitter/Présidence RDC)

Président Félix Tshisekedi ya Congo démocratique alobi lelo na bokutani na mokokani wa ye ya Tanzanie, John Magufuli, ete bikolo na bango mibale biselela elongo lac Tanganyika.

Mokonzi ya RDC ayambaki ya président Magufuli nsima ya bokomi na ye na Dar-es-Salam mpo na mobembo na ye yambo lokola mokambi ya ekolo.

"Nsima na kolonga mondenge ya bokengi, tokoki kosala makambo ebele elongo… Boyebi ete bikolo na biso bikabolaka ndelo ya molayi ya 500 kms. Na ndakisa, tozali na lac Tanganyika eye ezali moko na ba lacs etonda mbisi koleka na mokili mobimba. Tokoki kosalela yango, na koloba mbisi elongo na lolenge ya industriel," elobi mwana mboka Tshisekedi na elambo esalamaki mpo na lokumu na ye.

Président Tshisekedi akomaki na Tanzanie nsima na mobembo na ye na Guinée équatoriale esika wapi azalaki na masolo ya bokutani ya mobu na mobu ya ba gouverneurs ya Banque africaine ya développement.

Na bokutani ya Maloba na Guinée équatoriale, M. Tshisekedi azwaki elaka ya BAD mpo na mosolo ya misala ya kotonga Inga III mpe ya gbagba to pont kati na Kinshasa mpe Brazzaville, eyebisi baye ya présidence ya Congo démocratique.

Nsima na Tanzanie, Felix Tshiskedi nde azwi nzela ya kokeknde na Bujumbura na Burundi.

Masolo na Burundi makotala mingi bokengi na ndelo kati na mboka mibale mpe bokoti ya Congo démocratique na Lisanga ya bikolo ya monyele to Est, na bokuse CAE. Nzokande,Felix Tshisekedi akomelaki le 8 juin Président Paul Kagame ya Rwanda oyo azali kokamba CAE mpo na kosenga ye bokoti na lingomba liye.

Lelo le 13 juin nde mokolo ya bokanisi mbotama ya Félix Tshsiekedi. Akokisi mibu tuku mitano na motoba. Eyenga ya mbotama elamu !!!

Ministre ya Santé alobi ndenge nini Ebola ekomi na Ouganda

Ministre ya Santé alobi ndenge nini Ebola ekomi na Ouganda
Attendez s'il vous plaît

No media source currently available

0:00 0:01:29 0:00

Voir plus

XS
SM
MD
LG