Liens d'accessibilité

Dernières nouvelles

Mibu 20 ya liwa ya LDK: Bobimisami bwa E. Kapend na basusu bondimamaki na libota lya Kabila (Ambongo)


Président Félix Tshisekedi (G), elongo na député Jaynet Kabila (3e D) mpe Olive Lembe (2e D) molongani ya mokonzi ya kala Joseph Kabila na milulu mya bopesi losako na nkondo Laurent-Désiré Kabila pene na Palais de la nationa, Kinshasa, 16 janvier 2021 (Tw

Cardinal Fridolin Ambongo abeti sete na bolimbisani mpe boyokoni na misa mya mibu 20 mya liwa lya Laurent-Désiré Kabila oyo akufaki na kiti ya bokonzi na 2001 na masasi ma moko na bakengeli ba ye mpe akitanaki na mwana wa ye Joseph Kabila.

Episkopo ya lokumu lya diocèse ya Kinshasa atondaki président Félix Tshisekedi na bobimisami na boloko ya colonel Eddy Kapend mpe bato basusu bakatelemaka likambo na liwa lya mokonzi ya kala ya RDC, le 16 janvier 2001. Bato baye babimi nsima na pene na mibu 20 na boloko. Mingi bakufa mpe basusu bakima.

"Elembo eye ya motuya mingi epesi elikya ya kotala lobi leolenge mosusu," elobaki cardinal Ambongo.

"Esalami na bondimami bwa libota lya mowei," ebakisi cardinal Ambongo.

Molongani ya président ya kala Joseph Kabila, Olive Lembe mpe bayi libota basusu mpe bazalaki wana.

Cardinal Ambongo abeti sete na bolimbisani mpe boyokani.

Président Félix Tshisekedi azalaki nde na milulu mya bopesi losako na nkondo LD Kabila na lilita litongama o’boso bwa Palais de la nation.

LD Kabila akufaki na masasi moko na bakengeli baye abetaki ye.

Eddy Kapend, Aide de camp ya LD Kabila, mpe bato basusu bakatelamaki etumbu babimisakai mposo moleki na ngolu ya président Tshisekedi.

XS
SM
MD
LG