Liens d'accessibilité

Dernières nouvelles
RDC

Fayulu asengi maponami na lombango


Martin Fayulu liboso ya bituluku, elili ebimisami na Ecide, le 2 août 2019. (Facebook/Lexxus Legal)

Martin Fayulu, moko na bakambi ya lingomba Lamuka mpe mokonzi ya lisanga Ecidé, alobi ete azali kosenga maponami yambo na ntango (élections anticipées). Alobi yango na meeting asalaki o’mokolo ya eyenga na camp Luka, na Kinshasa, liboso ya bituluku ya bato.

Na eyano apesaki moko na balandi baye, M. Fayulu andimi ete akomaki makanisi maye mpo na kopesa eyano na nkwokoso ya bokambi mboka (crise de légitimité) eye ewuti na maponami.

Awangani ete asengi mosala songo to pakala.

"Nakoki kokende te koluka mosala na moto oyo aza na ngo te," alimboli.

M. Fayulu alobi makanisi mango masololamaki na baninga banso ya Lamuka.

Mpo na M. Fayulu, makanisi mango mapesamaki mpo na kopesa eyano nsima na koboya loboko mokonzi ya mboka Félix Tshisekedi alobaki apesaki opposition nsima na kosakolama molongi na maponami ya décembre 2018.

"Tosengaki ba recompter ba voix, balobi tozali kotungisa bango… Nzokande vérité des urnes etali kaka Fayulu te, ezali nde mpo volonté ya peuple etosama, yango tosengi tasala ba élections misusu noki noki lokola baboyi totanga lisusu bilembo, mpo toyeba solo nani mpeza alongaki, babandela video. Kasi yambo na yango, esengeli to sala ba réformes. Tokoki kosala te na mponami mosusu na Ceni oyo, na Cour constitutionnelle oyo. Yango tosalaki proposition mpo na kobima na crise ya légitimité, peuple ekende lisusu kovoter na lobango, tozela te 2023," elimboli M. Fayulu.

Nzongande, mokambi ya Ecidé (Engagement pour la citoyenneté et le développement) azalaki kolobela mokanda apesaki ba médiateurs na sanza ya mars. Mokanda mwango mobanzanaki na internet mpe mingi basosolaki mpe batiyolaki yango.

Voir les commentaires

XS
SM
MD
LG