Liens d'accessibilité

Dernières nouvelles

Cour constitutionnelle elongoli résidence surveillée ya Matata (Avocat)


Augustin Matata Ponyo Mapon, Ministre wa yambo ya RDC, na Kinshasa, 13 avril 2015.

"Augustin Matata Ponyo Mapon azongi ndako na bonsomi mpe ba policiers bazaliko kolanda ye lisusu te," elobi na AFP Me Laurent Onyemba, mosambeli ya Ministre wa Yambo ya kala.

"Cour constitutionnnelle ezwi mokano ete Matata Ponyo azali lisusu te na bokangami na ndako to na 'résidence surveillée'", eyebisi Me Onyemba.

Moko na ba zuzi alobi na AFP ete "likambo lya kobanga ete Matata Ponyo akima lizali te." "Matata Ponyo akobanda koyanola na bazuzi bo' moto ya bonzomi," elobi bazuzi.

Mardi Cour constitutionnelle esakolaki motindo ete Matata Ponyo atiama na bokangami mpe akangama na ndako na ye.

Matata Ponyo afundamaki mpo na misolo koleka 100 millions ya ba dollars efutama na bato ya nyongo ya lokuta na misolo misengalamaki kopesama na baye biloko bya bango bibotolomaki na bokonzi ya Zaïrisanisation.

Matata Ponyo mpe atunamaki mpo etali pene na 300 millions ya ba dollars ya parc agro-industriels ya Bukanga Lonzo.

Basamebeli baboyaki likambo lyango mpo Sénat na likita lyango ya monene endimaki te ete asamba.

Kasi Bureau ya Sénat azwaki mokano ya kolongola bobateli bwa ye nsima na ba Sénateurs kokende na loyi mpe etindaki ete asamba mpo na likambo lya Zaïrianisation.

XS
SM
MD
LG