Botindami na biso lelo bozali kopesa maboko na ba FARDC. Totindama te mpo kopesa maboko na mampinga ya bapaya maye bazali koya ba RDC. Botindami na biso bozali kosunga mampinga ya Congo, elimbola Mme Zerrougui na radio Okapi.
Lolenge malamu ya kobatela ba civls lozali kozongisa bokonzi ya l’Etat, kobongisa misala ya bosembo, police mpe mampinga, nakoslala ete moko moko elanda mibeko ya botosi makoki ya bomoto mpe koyeba koyanola na mbeba inso, elobi Mme Zerrougui.
Bakambi ya mampinga ya RDC (FARDC), Rwanda (RDF), Ouganda (UPDF) mpe ya Burundi (NDF) bazali kobongisa na Goma, Nord-Kivu, bosangisi makasi na bango mpo na bitumba na basimba minduki na monyele ya RDC.
Kolanda molbeli ya Monusco, USA, na nzela ya Africom, mpe Monusco babengami na bokutani boye mpo na kotala.
